HALMASHAURI YA WILAYA YA TANDAHIMBA YAADHIMISHA SIKU YA WAUGUZI

Posted on: May 12th, 2023

Na Kitengo cha Mawasiliano

Wauguzi wa Halmashauri ya Wilaya ya Tandahimba  wameungana na Wauguzi duniani kusherekea siku ya Wauguzi kwa  kufanya shughuli za kijamii pamoja na kutoa zawadi mbalimbali kwa wagonjwa wa Hospitali ya Wilaya ya Tandahimba

Akizungumza kwenye maadhimisho hayo ya Kiwilaya  ambayo yamefanyika katika Hospitali ya Wilaya Mkuu wa Wilaya ya Tandahimba Mei 12,2023 Mhe.Patrick Sawala ametoa wito kwa wauguzi kuendelea kutoa huduma kwa kuzingatia maadili ya kazi zao na upendo  kwa wagonjwa

“Nawapongezeni wauguzi kwa kazi nzuri mnazofanya ombi langu endeleeni kuifanya hiyo kazi ya kuwahudumia wananchi kwa huruma na upendo,lakini nitumie fursa hii kumshukuru Mhe.Rais kwa ukuzaji na uboreshaji wa sekta ya afya katika Wilaya yetu”amesema Dc Sawala

Aidha naye Mkurugenzi Mtendaji Halmashauri ya Wilaya ya Tandahimba Ndg.Mussa Gama amewapongeza kwa kuadhimisha siku yao ya wauguzi na kuwaahidi ushauri waliotoa katika taarifa yao utashughulikiwa

Wauguzi wameadhimisha kwa  maandamano kuanzia ofisi ya Mkurugenzi Mtendaji Halmashauri ya Wilaya ya Tandahimba na kupokelewa na Mkuu wa Wilaya ya Tandahimba Mhe.Kanali Patrick Sawala katika hospitali ya Wilaya ambapo Kauli mbiu ya mwaka 2023 "WAUGUZI WETU MUSTAKABALI WETU"