HALMASHAURI YA TANDAHIMBA YAZINDUA MAADHIMISHO YA WIKI YA UNYONYESHAJI

Posted on: August 4th, 2023

Na Kitengo cha Mawasiliano 

Mkuu wa Idara ya Maendeleo ya Jamii Halmashauri ya Wilaya ya Tandahimba Ndg.Aloyce Massau l Agosti 4,2023  amezindua  rasmi maadhimisho ya Wiki ya unyonyeshaji duniani katika Hospital ya Wilaya ya Tandahimba  kwa niaba ya Mkurugenzi Mtendaji wa Halmashauri

Akizungumza wakati wa uzinduzi uliofanyika katika hospitali ya Wilaya amesema kuwa Unyonyeshaji wa maziwa ya mama ukifanyika ipasavyo watoto wachanga watakuwa na hali nzuri ya lishe itakayoboresha ukuaji na maendeleo ya kimwili na kiakili

Aidha amesema kuwa Unyonyeshaji ukizingatiwa gharama za matibabu zitapungua kutokana na kuimarika kwa kinga ya mwili kwa watoto hali itakayosababisha kupungua kwa kasi ya watoto kuugua mara kwa mara

" Maadhimisho haya  yawe chachu ya kuchochea mabadiliko chanya ya kilishe  ili kujenga,kukuza na kusaidia unyonyeshaji," amesema Massau

Kwa upande wake Mganga Mkuu Hospitali ya Wilaya ya Tandahimba Dkt.Grace Paul amewasistiza akina mama kuzingatia taratibu sahihi za unyonyeshaji ambazo wanapewa na wataalamu katika vituo vya kutolea huduma

"Maadhimisho haya katika Halmashauri yetu tumeanza kuanzia Agosti 1, ambapo elimu inatolewa kwa  jamii,muhimu akina mama kuzingatia elimu wanayopewa ma wataalamu",amesema Dkt.Grace

Maadhimisho ya Wiki ya Unyonyeshaji Duniani hufanyika kila Mwaka ambapo kauli mbiu ya Mwaka huu " Saidia Unyonyeshaji,wezesha Wazazi kulea Watoto na kufanya kazi zao kila siku"