Halmashauri ya Tandahimba yatoa Zaidi ya Tsh.Mil.35 motisha kwa walimu,wanafunzi na Shule bora

Posted on: March 3rd, 2023

Na Kitengo cha Mawasiliano

Halmashauri ya Wilaya ya Tandahimba imetoa Zaidi ya shilingi Milioni 35 motisha kwa walimu ,wanafunzi na shule bora  katika maadhimisho ya Juma la Elimu ambalo limeadhimishwa Kiwilaya

Motisha hizo zimetolewa Machi 3,katika  maadhimisho ya Juma la Elimu  Kiwilaya  ambayo yamefanyika katika kiwanja  vya shule ya msingi Amani  kata ya Tandahimba Halmashauri ya Wilaya ya Tandahimba ambapo mgeni rasmi alikuwa ni Mhe.Kanali Patrick Sawala Mkuu wa Wilaya ya Tandahimba

Akisoma taarifa  kwa mgeni rasmi Mkurugenzi Mtendaji Halmasahauri ya Wilaya ya Tandahimba Ndg.Mussa Gama  amesema kuwa motisha hizo zimetolewa kwa shule bora,walimu na wanafunzi  kwa shule za msingi na sekondari

Amesema kuwa motisha  hizo zimetolewa kwa shule za msingi zilizofaulisha kwa asilimia 100 katika  Mtihani wa PSLE mwaka 2022, shule za  msingi zenye wanafunzi Zaidi ya 40 zilizopata wastani mzuri wa ufaulu,shule zilizoongeza wastani,shule bora zilizofanya vizuri Kitaluma mwaka 2022,kata bora na wanafunzi waliofanya vizuri sambamba na vyeti vya pongezi

Kwa upande wa Shule za Sekondari wamekabidhi motisha kwa shule bora,walimu, wanafunzi,shule zilizoondoa ziro na shule zilizoongeza ufaulu ambapo wamepata fedha taslimu na vyeti vya pongezi

Akizungumza katika maadhimisho hayo ya Jumala la Elimu  Mkuu wa Wilaya ya Tandahimba Mhe.Kanali Patrick Sawala  ametoa  wito kwa walimu kuendelea kutekeleza mikakati ya Mkoa na Wilaya ili kuongeza ufaulu Zaidi

“Nawapongeza maafisa Elimu wote kuanzia ngazi ya Wilaya  hadi kata,walimu na kila mmoja kwa nafasi yake kwa jinsi ambavyo mnafanya kazi kubwa kuhakikisha mikakati tuliyokubaliana inatekelezeka na tunaongeza ufaulu ,”amesema Dc Sawala

Maadhimisho hayo Kimkoa yatafanyika Manispaa ya Mtwara Mikindani Machi 16,2023  ambapo kauli mbiu ya Mkoa “Tuwajibike kwa pamoja,kuleta Maendeleo ya Elimu Mtwara”