Halmashauri ya Tandahimba yakabidhi viti 800 kwa Walimu na magodoro 48 kwa walimu wapya

Posted on: January 30th, 2021

Na Kitengo cha Habari na Mawasiliano

Halmashauri ya Wilaya ya Tandahimba imetumia kiasi cha zaidi ya shilingi milioni 55  kuwalipa  fedha  ya kujikimu   walimu wapya 48 , ununuzi wa magodoro kwa ajili ya walimu hao  sambamba na ununuzi wa viti  800 vya walimu wa shule za sekondari na msingi

Viti 800 ambavyo vimenunuliwa kwa ajili ya kukalia walimu wa shule ya msingi na sekondari

Katika Hafla Hiyo Halmashauri  imekabidhi vifaa vya kufundishia na kuchezea watoto wenye mahitaji maalum  shule ya msingi Mjimpya Maalum na Mahuta vifaa ambavyo vimetolewa na Ofisi ya Tamisemi pia  Halmashauri imetoa kiasi cha shilingi Milioni 20 kwa ajili ya ujenzi wa jiko na bwalo

Mkuu wa Wilaya Sebastian Waryuba akiwa tayari kukabidhi magodoro hayo kwa walimu

Akikabidhi vifaa hivyo Mkuu wa Wilaya ya Tandahimba Sebastian Waryuba amesema kuwa anaipongeza Halmashauri kwa jitihhada wanazozifanya  kuboresha mazingira kwa Walimu wapya na walimu waliopo

Dc Sebastian  Waryuba akimkabidhi mwalimu wa ajira mpya godoro

“Naipongeza Halmashauri kwa  hatua hii ya kuwapa motisha walimu wapya magodoro kwa ajili ya kuanza maisha ,hii inawatia moyo wa kufanya kazi  lakini hamkuwasahau walimuwaliopo kwakweli tulifanya ziara shule nyingi hawakuwa na viti vya walimu lakini naamini viti hivi vitawasaidia walimu wetu ,”amesema Dc Waryuba

Dc Warryuba (aliyesimama) akimpongeza Mkurugenzi Mtendaji ndugu Said Msomoka

Naye Mkurugenzi Mtendaji wa Halmashauri ya Tandahaimba ndugu Said Msomoka amesema kuwa fedha hizo zimetoka kwenye mfuko wa Elimu  na  kila mwalimu amepata godoro moja miongoni mwa 48 ambao 22 ni shule msingi na 26 ni sekondari

Mkurugenzi Mtendaji ndugu Said Msomoka akiwasistiza waendelee kutekeleza wajibu wao kwa wananfunzi

“Tumefanya haya ili  kuwarahisishia walimu hawa wapatae mahali pa kujihifadhi lakini pia viti vitawasaidia walimu  katika ofisi zao tulitembelea katika shule mbalimbali tukabaini kuna uhaba wa viti  vya walimu kwaiyo tumenunua  ili waweze kukaa katika mazingira bora,”amesema Ndg Msomoka

Dc Waryuba akiwa pamoja na Mkurugenzi Mtendaji ndg Msomoka wakimkabidhi kiti mwalimu

Aidha amesema viti 800 vina thamani ya shilingi  27,999,984,magodoro 48 kwa walimu ajira mpya   thamani yake  shilingi 7,440,000,kiasi cha shilingi 22,892,000 kwa ajili ya posho ya kujikimu kwa walimu wa ajira mpya na kiasi cha shilingi 20,000,000 kwa ajili ya ujenzi wa bwalo la wanafunzi wenye mahitaji maalum fedha hizo zimetolewa kwenye mfuko wa elimu

Dc Waryuba akiwakabidhi vifaa vya kufundishia walimu wakuu wa shule ya mahitaji maalum Mjimpya na Mahuta

Hata hivyo walimu wa ajira mpya wameishukuru Halmashauri ya Wilaya ya Tandahimba kwa kuwajali kwa kuwalipa fedha za kujikimu kwa wakati na  magodoro hasa katika kipindi ambacho ni wageni katika maeneo ambayo wameripoti