Halmashauri ya Tandahimba yatoa zaidi ya Tsh.Mil.228 kwa vikundi

Posted on: December 21st, 2021

Na Kitengo cha Habari na Mawasiliano

Halmashauri ya Wilaya ya Tandahimba imetoa mikopo yenye thamani ya zaidi Milioni 228 kwa vikundi vya wanawake vijana na walemavu

Akikabidhi mfano wa hundi hiyo leo Desemba 21, 2021 katika ghafla fupi iliyofanyika ukumbi wa mikutano wa Halmasahauri Mkuu wa Wilaya ya Tandahimba Mhe.Kanali Patrick Sawala amesistiza vikundi hivyo kuhakikisha wanarejesha kwa wakati fedha hizo ili wengine waweze kupewa.

“Fedha hizi za serikali zinatolewa bila riba ili ziweze kuwasaidia na kukuza kipato, tupo tayari kushirikiana na vijana  ili kuhakikisha mnakuwa kiuchumi kitu cha muhimu ni kuhakikisha fedha hizi zinarejeshwa kwa wakati ili wengine waweze kupata ,” amesema Dc Sawala

Aidha katika hotuba yake amewasistiza wananchi  kuendelea kuchukua tahadhari  dhidi ya Uviko -19 sambamba na kujitokeza kuchanja chanjo ya ugonjwa huo kwaajili ya kujilinda na kujikinga  huku akiwataka kuachana na imani potofu juu ya chanjo hizo.

Kwa upande wake Mwenyekiti wa Halmashauri ya Wilaya ya TandahimbaMhe. Baisa Baisa amesema mikopo hiyo imetolewa na fedha ya mapato ya ndani ambayo ni asilimia 10 ambapo wanawake asilimia 4,vijana asilimia 4 na walemavu asilimia 2

“Mikopo hii nasisi pia  madiwani tutaisimamia kwakuwa vikundi hivi vipo katika maeneo yetu pia ni wananchi wetu,ili warejeshe kwa wakati na wengine waweze kukopa,wanaohitaji pikipiki au bajaji hatutawakabidhi mkononi fedha,tutawanunulia a kuwakabidhi nia yetu ni njema kuwa mtumiaji anafanya biashara  na analipa marejesho,”amesema Mwenyekiti

Aidha naye Afisa Maendeleo ya Jamii Wilaya ya Tandahimba ndugu Aloyce Massau amesema kuwa idadi ya waombaji imeongezeka kwa kiasi kikubwa ambapo imezidi  bajeti kwakuwa jumla ya wote walio omba ilifikia  zaidi ya Bilioni tatu kiwango ambacho ni cha juu

Amesema kuwa  kiasi cha shilingi 228,509 472 zimetumika kugawa kwa vikundi ambapo shilingi 188,101,872 ni mapato ya ndani na shilingi Milioni 40 ni marejesho ya vikundi jumla hiyo imetumika kugawa kwa vikundi  kumi vya wanawake, vijana  vikundi kumi ,walemavu  vikundi saba  na mtu mmoja mmoja watu kumi  

“Katika kipindi hiki vikundi vingi viliomba na kufikia zaidi ya Bilioni tatu ya watu wanaohitaji Mkopo,kiwango ambacho ni kikubwa,kwa wale ambao hawajapata kwa vile mwaka wa serikali bado haujaisha watakavyokuwa wanarejesha tutaendelea kutoa mikopo hiyo kwa wale wenye sifa,”amesema Massau