FUNDI VIONGOZI WASISTIZWA KUZINGATIA MPANGO KAZI UTEKELEZAJI MRADI WA BOOST

Posted on: May 2nd, 2023

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala amewasistiza  mafundi viongozi na wazabuni wa vifaa kutekeleza miradi ya  BOOST kwa  kuzingatia mpango kazi ili kukamilisha kwa wakati na ubora unaotakiwa

Akishuhudia tukio la kusaini mikataba ya mafundi viongozi na wazabuni wa vifaa  kwenye  kikao cha Wadau wa Maendeleo  Mei  2,2023 katika ukumbi wa Mikutano wa Halmashauri  Dc Sawala amewapongeza kwa  kupata nafasi hiyo ili  kuijenga Tandahimba

" Nawapongeza kwa kupata nafasi hii, na asilimia kubwa ya mafundi viongozi ni wanatandahimba,natumaini mtaifanya kazi hii kwa ubora na kwa wakati huku mkizingatia mpango kazi ili ikamilike mapema, kwakuwa miradi hii siyo ya kwanza natumaini mtafanya vizuri zaidi,"amesema Dc Sawala

Aidha amewasistiza  waheshimiwa madiwani kuhamasisha wananchi kushiriki katika miradi  ambayo inatekelezwa katika maeneo yao  sambamba na kuisimamia ili iweze kukamilika kwa wakati

Naye Mwenyekiti wa Halmashauri ya Wilaya ya Tandahimba Mhe. Baisa Baisa amesema muhimu kuweka uzalendo mbele ili kuijenga Tandahimba kwakuwa mafundi viongozi asilimia kubwa ni wanatandahimba

" Kinacho nifurahisha miradi hii inatekelezwa Tandahimba na asilimia kubwa mafundi viongozi na wazabuni ni wanatandahimba Kazi hii tuifanye kwa ushirikiano  na ubora, wazabuni ambao mtatengeneza milango msilipue fanyeni kazi zenye ubora ," amesema Mwenyekiti

Halmashauri ya Wilaya ya Tandahimba imepokea shilingi Milioni 665.1 kutekeleza ujenzi wa miundombinu katika shule za msingi ambapo kwa awamu ya kwanza shule saba zitatekeleza miradi hiyo