Elimu yaendelea kutolewa kwa jamii kudhibiti Maambukizi ya VVU

Posted on: November 1st, 2022

Na Kitengo cha Mawasiliano

Mratibu wa Ukimwi Halmashauri ya Wilaya ya Tandahimba Ndg.Ally Sembe amesema kuwa Elimu inaendelea kutolewa kwa jamii  na makundi yaliyo kwenye hatari ya kuambukizwa Virusi vya Ukimwi sambamba na ugawaji wa kinga

Amesema hayo Oktoba 31,2022 katika Kikao cha Kamati ya Kudhibiti Ukimwi cha  Robo Julai – Septemba 2022 kilichofanyika katika Ukumbi wa Mikutano

“Elimu tunayotoa katika jamii inaleta manufaa ambapo masuala ya Unyanyapaa na ubaguzi yamepungua kwa kiasi kikubwa hivyo kuleta mwitio mzuri kwa jamii wa upimaji wa VVU kwa hiari katika vituo vya upimaji,”amesema Mratibu

Aidha amesema  kuwa Kuanzishwa kwa huduma ya upimaji wa uwingi wa virusi kwenye damu (HVL) kunafanya wateja  kuzingatia  dawa za kufubaza maambukizi ya VVU

Katika Kikao hicho Mratibu aligawa  Mipira ya kiume (Kondom)  5600 kwa wajumbe wa Kamati hiyo ili waweze kugawa katika maeneo yao hivyo kufanya idadi ya Mipira ya Kiume iliyosambazwa kufikia 88446