Dkt.Magembe atembelea miradi ya afya Tandahimba

Posted on: July 27th, 2022

Na Kitengo cha Mawasiliano 

Naibu Katibu Mkuu OR-Tamisemi (Afya) Dkt. Grace  Magembe amesistiza  miradi ya afya kukamilika kwa wakati ili wananchi waweze kupata huduma katika maeneo yao

Ameyasema hayo leo Julai 27,2022 katika ziara yake Halmashauri ya Wilaya ya Tandahimba ambapo ametembelea  mradi wa kituo cha afya Kitama ambao unatekelezwa kwa fedha za mapato ya ndani,mradi wa ujenzi wa Nyumba ya watumishi unaotekelezwa eneo la Hospitali ya Wilaya na kituo cha afya  Maheha

Naibu Katibu Mkuu Dkt Grace Magembe akiwa katika mradi wa nyumba ya  watumishi

Mradi wa nyumba ya watumishi (3in 1)

“Nasistiza miradi hii ikamilike haraka ili wananchi wapate huduma katika vituo hivi lakini pia watumishi wasogee karibu na eneo la kazi,miradi hii ipo nje ya muda hivyo usimamizi uongezeke ili ikamilike,”amesema Dkt Magembe 

Jengo la Upasuaji na mama na mtoto kituo cha afya Kitama

Aidha amesema kuwa serikali haiwezi kuleta vifaa na watoa huduma katika miradi ambayo haijakamilika lakini pia kuchelewa kwa mradi ni kuchelewesha upatikanaji wa huduma kwa wananchi ambapo hiyo siyo dhamira ya serikali yetu

Naye Kaimu Mkurugenzi Halmashauri ya Wilaya ya Tandahimba Ndugu.Robert Mwanawima ameahidi miradi hiyo kukamilika haraka ili wananchi waanze kupata huduma

Kaimu Mkurugenzi Mtendaji Ndg.Robert Mwanawima(wa kwanza kulia) akieleza jambo kwa Naibu Katibu Mkuu Dkt Magembe (kati) mbele ya Mkuu wa Wilaya Mhe.Kanali Patrick Sawala  (wa pili kushoto) na Mwenyekiti wa Halmashauri Mhe.Baisa Baisa(wapili kulia) wa kwanza kushoto ni Katibu Tawala Ndg.Juvenile Mwambi