DED MWANZALIMA ASISITIZA KASI YA UJENZI WA MIRADI IONGEZEKE BILA KUATHIRI UBORA..

Posted on: December 12th, 2024

Na Kitengo cha Mawasiliano 

Mkurugenzi Mtendaji wa Halmashauri ya Wilaya ya Tandahimba DCI.Mariam Mwanzalima ametembelea Miradi ya Maendeleo Katika Sekta ya Afya na Elimu inayoendelea kutekelezwa katika Halmashauri hiyo na kusisitiza Kasi iongezeke bila kuathiri ubora wa Miradi hiyo.

Akiambatana na wataalamu wa Halmashauri hiyo Wakiwemo wahandisi DED Mwanzalima amewataka wasimamizi wa Miradi na kamati za Ujenzi kuongeza nguvu katika kusimamia miradi hiyo akitolea mfano wa Madarasa ambayo yanatarajiwa kutumika Mwezi Januari Shule zitakapofunguliwa.

DCI. Mwanzalima ametembelea na  kukagua ukamilishaji wa Vituo vya Afya vinne ikiwemo Mihambwe, Maheha, Mambamba, Litehu  sambamba na kutembelea Shule ya Sekondari Makondeni, Shule ya Msingi Namahonga na  Mkwedu.

Aidha, wasimamizi wa Miradi hiyo wameahidi kutekeleza maagizo yaliyotolewa na kukamilisha Kwa wakati.