DC WARYUBA:ASILIMIA 99 MAANDALIZI YA MADARASA KWA KIDATO CHA KWANZA 2021 YAKAMILIKA

Posted on: December 23rd, 2020

Na Kitengo cha Habari na Mawasiliano

Maandalizi ya wanafunzi 3656 sawa na asilimia 65 wanaotarajia kuanza  kidato cha kwanza mwaka 2021 katika Halamsahauri ya Wilaya ya Tandahimba kwa upande wa miundombinu ya madarasa yamekamilika kwa asilimia 99

Hayo yamebainishwa na Mkuu wa Wilaya ya Tandahimba Sebastian Waryuba  katika ukumbi wa Mikutano wakati Akitoa tathimini  ya  hali ilivyo ya madarasa na samani baada ya kufanya ziara ya siku tatu kwa shule 28 za sekondari

Dc Waryuba akiwa kwenye ziara ya kuuangalia madarasa na samani katika sjhule za sekondari

 “Tumefanya ziara ya kuona hali halisi ya shule zetu za sekondari upande wa madarasa  kwa asilimia 99 tumefanikiwa,nampongeza Mkurugenzi kwa kufanikisha kuna  madarasa mawili yapo hatua ya boma yakimaliziwa hatutakuwa na upungufu , ila upande wa meza na viti bado tunauhitaji  naamini hili  pia Mkurugenzi atalisimamia na wanafunzi wa kidato cha kwanza watasoma katika mazingira mazuri,”amesema DcWaryuba

Dc Waryuba akionyesha kiti na meza vya chuma  na kusistiza vitengenezwe vya aina hiyo

Aidha  amesema  katika ziara hiyo imebainika kuwa kati ya meza3,656 na meza 3,656  zinazohitajika kwa wanafunzi wa kidato cha kwanza vilivyopo ni meza 1,164 na viti 1,104  upungufu uliopo ni  meza 2,492 na viti 2552  ametoa maagizo katika kata  ambazo sekondari hizo zipo kuhakikisha wanafunzi wa kidato cha kwanza wanaporipoti   madarasa  yawe na samani hizo

Naye Mkurugenzi Mtendaji  Said Msomoka ambaye aliambatana na Dc katika ziara hiyo amesema jukumu la samani atalisimamia  ili  ifikapo January wanafunzi wa kidato cha kwanza wakae  katika mazingira rafiki

Dc Waryuba (kushoto)  na Mkurugenzi Mtendaji Ndg Msomoka wakiangalia taarifa mbalimbali za shule

“Kwa upande wetu mwaka jana tuliweza kuongeza madarasa zaidi ya 80 ndiyo maana mwaka huu hatujapata changamoto ya madarasa,hivyo nguvu tunaelekeza kwenye samani naamini tutalimaliza ifikapo Januari,”amesema Msomoka

Mkurugenzi Mtendaji  ndg Msomoka   akimsistiza jambo  Mkuu wa shule ya Sekondari ya Mdimba