Dc Waryuba : Samani hizi zitawasaidia wanafunzi wetu

Posted on: April 1st, 2021

Na Kitengo cha Habari na Mawasiliano

Mkuu wa Wilaya ya Tandahimba Sebastian Waryuba  amepokea madawati 50 yenye thamani ya shilingi Milioni  5 kwa ajili ya shule ya msingi Matogoro

Kaimu Afisa Elimu Msingi bi. Hilda Tamba(kushoto) akiwa pamoja na wanafunzi,wafanyakazi wa benki ya Nmb na mmoja wa walimu wa shule hiyo

Akipokea madawati hayo ambayo amekabidhiwa na Benki ya Nmb tawi la Tandahimba amesema kuwa  madawati hayo yatawasaidia wanafunzi  kusoma katika mazingira rafiki kwakuwa bado wanauhitaji wa madawati katika shule za msingi

Dc Waryuba akitoa neno kwa kamati ya shule ya msingi Matogoro

“Tunaishukuru Benki ya NMB kwakushiriki katika kuchangia huduma za kijamii,Madawati haya yatapunguza uhaba wa madawati kwa shule yetu na  itawaongezea ari wanafunzi kusoma kwa bidii kitu muhimu ni kuhakikisha yanatunzwa ili wengine waweze kuyatumia,”amesema DcWaryuba

Meneja  wa Nmb tawi la Tandahimba bi. Julieth Ndazi akimkabidhi Dc Waryuba madawati

Akikabidhi madawati hayo kwa niaba ya Meneja wa Kanda yaw a NMB,Meneja wa benki ya Nmb Tawi la Tandahimba Julieth Ndazi amesema kuwa ni utaratibu wa benki ya NMB kutoa asilimia moja ya faida na kuirudisha kwa jamii ambapo fedha hizo hutumika kutengeneza samani katika sekta ya Elimu,afya na majanga yanapotokea

Meneja wa Nmb Tawi la Tandahimba bi Julieth Ndazi akisoma taarifa fupI kwa Dc Waryuba

“Sisi NMB tupo karibu na wananchi wa Tandahimba kwa kutambua kuwa wateja wetu wakubwa ni wakulima hivyo faida tunayoipata tunairudisha kwa jamii ili kuboresha huduma kwenye sekta ya elimu,afya na majanga pale yanapotokea ndani ya Wilaya,”amesema bi. Ndazi

Madawati 50 ambayo yamekabidhiwa kwa shule ya msingi Matogoro na benki ya Nmb

Naye Kaimu  Mkurugenzi Mtendaji wa Halmashauri ya Tandahimba Sosthenes Luhende ameishukuru benki hiyo kwa kushirikiana na Halmashauri katika sekta ya Elimu ambapo kila mwaka hutoa samani kwa shule za Msingi na sekondari

Afisa Elimu Sekondari Sosthenes Luhende akitoa neno kwa niaba ya Mkurugenzi Mtendaji wa Halmashauri ya Tandahimba