Dc Waryuba afurahishwa na mahudhurio ya wanafunzi shule za msingi na Sekondari

Posted on: July 3rd, 2020

Na Kitengo cha Habari na Mawasiliano

Mkuu wa Wilaya ya Tandahimba Sebastian Waryuba amefurahishwa na mahudhurio ya wanafunzi wa shule za msingi na sekondari  baada ya kukaa kwa muda wa miezi mitatu nyumbani  kutokana na Homa kali ya mapafu (Covid – 19)

Hilo limebainishwa na Dc Waryuba   alipofanya ziara ya kutembelea  shule  za sekondari na Msingi  ili kuangalia mahudhurio ya wanafunzi na  hatua zinazochukuliwa  kujikinga na Covid – 19 baada ya kurudi likizo ya dharura iliyosababishwa na Covid - 19

Mkuu wa Wilaya Sebastian Waryuba alipotembelea  shule ya msingi Tandahimba

“Nimeridhishwa sana na mahudhurio  haya ya wanafunzi katika shule  za msingi na Sekondari,kwakweli kila shule ambayo nimetembelea asilimia 85 wameripoti shuleni,na kila shule nimeona  maji tiririka  na sabuni kwa ajili ya watoto kunawa,nimefarijika sana,”amesema Waryunba

Mwanafunzi wa shule ya msingi Tandahimba akinawa maji tiririka na sabuni kujikinga na Covid -19

Aidha ametoa wito kwa walimu wakuu kuhakikisha wanafuatilia walimu wa madarasa ili kuweza kuangalia endapo kuna mwanafunzi mwenye shida yoyote ya kiafya

Naye Mkuu wa shule Sekondari ya Milongodi  Donald Mchawa amesema kuwa katika shule yake  wanafunzi ambao wameripoti  ni asilimia 89  kwa kidato cha kwanza hadi cha nne na walimu wote wameripoti shule

Sekondari ya Milongodi  wameweka maji  tiririka  kwa ajili ya wanafunzi kunawa

“Tangu niwe Mkuu wa shule kwa miaka sita hapa mahudhurio ya wanafunzi kuripoti  kwa wingi namna hii sijawahi kuona, nasisi tumejiandaa kuwafundisha   na kuwapa mazoezi ambayo yatachangia akili ziwe shule,”amesema Mchawa