DC TANDAHIMBA AKUTANA NA VIONGOZI WA VYAMA VYA SIASA.

Posted on: October 6th, 2023

Na Kitengo cha Mawasiliano 

Mkuu wa Wilaya ya Tandahimba Mhe.Kanali Patrick Sawala amekutana na Viongozi wa Vyama vya Siasa wa Wilaya  ya Tandahimba kuimarisha Mahusiano na Ushirikiano ili kuendelea kuhamasisha wananchi katika shughuli za Maendeleo.

Akizungumza na Viongozi hao Oktoka 6,2023 Dc Sawala amesema wameruhusiwa  kufanya mikutano lakini ni jambo jema kutoa taarifa  mapema kwa ajili ya kuimarisha ulinzi na usalama  kwenye eneo la Mkutano.

" Tuendelee kuimarisha mahusiano na.ushirikiano huku tukitambua wote tunajenga nyumba moja ya kuwaletea wananchi wa Tandahimba Maendeleo,Siasa za kistaarabu ni nzuri  mnashindana kwa hoja ," amesema Dc Sawala.

Kwa upande wa Viongozi wa Vyama vya siasa wamepongeza hatua ya Mkuu wa Wilaya  kukutana nao na wameiomba Serikali ya Wilaya hususan Jeshi la Polisi kutoa ushirikiano wanapohitaji ulinzi wa Jeshi la polisi kwenye Mikutano yao ya hadhara.

Naye Mkuu wa Polisi wa Wilaya ya Tandahimba SP.Kulwa Biteme amewahakikishia Viongozi wa Vyama vya Siasa  ulinzi na usalama wakiwa  kwenye mikutano yao ya hadhara ambapo amesema muhimu kuzingatia taratibu miongozo na sheria za kufanya mikutano ya hadhara.