DC SAWALA AZINDUA UGAWAJI WA VITI MWENDO KWA WATOTO WENYE ULEMAVU

Posted on: August 24th, 2023

Na Kitengo cha Mawasiliano 

Mkuu wa Wilaya ya Tandahimba Mhe.Kanali Patrick Kanali amezindua zoezi la ugawaji wa viti mwendo kwa watoto wenye ulemavu  chini ya miaka 17 ambavyo vimetolewa Hospitali ya CCBRT Dar es salaam

Akizungumza mara baada ya kuzindua ugawaji huo leo Agosti 24,2023 kwenye kituo cha Shule ya Msingi Matogoro ,Dc Sawala amewashukuru CCBRT kwa msaada huo na amewasistiza wazazi kuvitunza

" Nawapongeza CCBRT kwa hatua hii ya kutoa viti mwendo kwa watoto wetu,sisi tunawashukuru lakini wazazi mkavitunze ili viendelee kuwasaidia watoto wetu" amesema Dc Sawala

Naye Thadei Luwumba akisoma taarifa fupi kwa niaba ya Mkuu wa Idara ya Elimu  Awali na Msingi amesema kuwa zoezi hilo lilianza Mwezi Juni 2023 la kuwabainisha ambapo watoto 62 wenye ulemavu wa viungo  walifanyiwa uchunguzi na baada ya uchunguzi huo watoto 18 wenye ulemavu walibainishwa kuhitaji kupewa viti mwendo

Aidha amesema kuwa viti mwendo hivyo vitatolewa kwa watoto kwenye vituo vya shule ya msingi Matogoro,Luagala na Chikongola

Kwa upande wake  mtaalamu kutoka CCBRT Zuwena Abdallah amesesistiza kuwa  siyo kila kiti mwendo ni kiti mwendo sahihi kwa aliyekuwa na ulemavu