Dc Sawala azindua Miongozo ya Kuboresha Elimu Msingi na Sekondari

Posted on: September 20th, 2022

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala ametoa wito kwa walimu  kutekeleza wajibu wao kila mmoja kwa nafasi yake na kuacha  kufanya kazi kwa mazoea ili kuletamadiliko katika Elimu

Amesema hayo Septemba 19,2022 wakatiakisoma  hotuba yake katika hafla ya uzinduzi  wa Miongozo ya Kuboresha Elimu  Msingi  na Sekondari katika Uumbi wa mikutano wa Halmashauri ya Tandahimba

Naye Mkurugenzi Mtendaji Halmashauri ya Wilaya ya Tandahimba Ndg.Mussa Gama  amesema kuwa katika uboreshaji wa Elimu  changamoto  mojawapo  ni mdondoko wa wananfunzi kutomaliza mzunguko wa elimu ambapo zipo sababu  mbalimbali  zinazosababisha  mdondoko ikiwepo utoro

“Miongozo hii ambayo imezinduliwa inatoa  majibu nainaelekeza niniyatupasa kufanya,lakini miongozo hii mkiichukua na kuiweka bila kuisoma itakuwani kazi bure na mtafanya kazi kwa mazoea wakati sisi tunataka kufanya kazi kwa ufanisi na tija,”amesema Mkurugenzi

Aidha naye Mwenyekiti wa Halmashauri ya Wilaya ya Tandahimba  Mhe.Baisa Baisa amepongeza hatua hiyo ambapo ambapo amesema lengo ni kuona Elimu Tandahimba  inakwenda mbele kuanzia Elimu Msingi hadi Sekondari