Dc Sawala azindua Ligi ya Sensa Cup Kata ya Namikupa

Posted on: August 7th, 2022

Na Kitengo cha Mawasiliano 

Mkuu wa Wilaya ya Tandahimba Mhe.Kanali Patrick Sawala  amezindua ligi ya Sensa Cup Kata ya Namikupa kwa ajili ya uhamasisha wa Zoezi la Sensa ya Watu na Makazi 2022

Akizungumza na wananchi  ambao walihudhuria uzinduzi wa ligi hiyo Agosti 7,2022 katika kiwanja cha Nachipe Dc Sawala amewasistiza wananchi kushiriki zoezi hilo  ambalo lina lengo la kupata takwimu sahihi ambazo zitasaidia katika Mipango ya Maendeleo

"Ligi hii ikaongeze hamasa  kubwa  ya kila mtu kushiriki katika zoezi la Sensa ya Watu na Makazi itakayofanyika Agosti 23,2022 kwa ajili ya maendeleo yetu,"amesema Dc Sawala

Ligi hiyo itahusisha  timu kumi na nne za mpira wa miguu kutoka katika  vijiji vilivyopo Kata ya Namikupa ambapo inatarajiwa  kumalizika Agosti 22,2022 ambapo leo timu ya Namdwani Fc imecheza na Namikupa Fc na kutoka droo ya goli 1-1