Dc Sawala azindua Jukwaa la Uwezeshaji Wanawake Kiuchumi Halmashauri ya Wialaya ya Tandahimba

Posted on: March 2nd, 2023

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala amezindua  Jukwaa la Uwezeshaji Wanawake Kiuchumi Halmasahauri ya Wilaya ya Tandahimba ambapo amesistiza  kutumia jukwaa hilo kujadiliana fursa na changamoto sambamba na kuweka  mikakati ya kujitegemea kiuchumi

Akizindua Jukwaa hilo Machi 2,2023 katika ukumbi wa mikutano wa Halmashauri ya Wilaya ya Tandahimba amesema kwamba Jukwaa hilo  litaondoa  matabaka na kuweza kupata fursa ya kujua sharia ambayo itawasaidia kujua haki zao katika masuala mbalimbali

Aidha ametoa rai  kwa viongozi wa jukwaa hilo kusimamia  miongozo,taratibu na sharia lengo wanawake waweze kujikomboa kiuchumi sambamba na kushirikiana ili kuweza kufikia malengo yao

Imezindua rasmi jukwaa hili la Wilaya ,jukwaa hili likawaunganishe,muhimu sana mpendane,mshirikiane na kuheshimiana ili kwa umoja wenu muweze kujikomboa kiuchumi,”amesema Dc Sawala

Naye Mratibu wa dawati la  Jinsia Halmasahauri ya Wilaya ya Tandahimba Bi.Neema Shungu amesema kuwa uundwaji wa majukwaa uwezeshaji wanawake kiuchumi kuanzia ngazi ya kijiji hadi Wilaya yanakwenda kuamsha ari kwa wanawake kujikwamua kiuchumi

Amesema kwamba uwezeshaji wa wanawake kiuchumi ni nguzo muhimu ili kuhakikisha malengo ya maendeleo endelevu pamoja na malengo ya hamsini hamsini ifikapo mwaka 2030 yanafikiwa