DC Sawala azindua Bodi ya Mfuko wa Elimu Halmashauri ya Tandahimba

Posted on: March 7th, 2023

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala amesistiza uwazi na uwajibikaji  wa bodi ya mfuko  wa Elimu  sambamba na kuzingatia taratibu, na sharia  za uendeshaji  wa mfuko  ili uweze kufanya mabadiliko katika Elimu

Amesema hayo Machi 7,wakati wa uzinduzi wa bodi  ya Mfuko wa Elimu katika ukumbi wa mikutano  wa Halmashauri ambapo amesistiza  uwazi na kubuni miradi yenye tija ili wananchi wanaochangia mfuko huo waweze kunufaika nao

”Nawaasa  baada ya  uzinduzi  huu bodi  mkaziangalie sharia,kanuni ,taratibu na miongozo ili muweze  kuusimamia kikamilifu lakini mkabuni na kuibua  miradi ya kimaendeleo ambayo itaacha alama yenye tija kwa Halmashauri na Wilay kwa ujumla,”amesema Dc Sawala

Aidha amesema kwamba kwa kutumia mfuko wa elimu  tuione  Tandahimba juu kielimu,uwezo huo upo na nia ipo pia ametoa rai kwa bodi hiyo  kushirikisha wananchi na wadau  wengine kwa yale wanayostahili kushirikishwa

Naye Mwenyekiti Halmashauri ya Wilaya ya Tandahimba Mhe.Baisa Baisa ameipongeza bodi hiyo na kuaminiwa na kueleza kwamba matumaini yaliyopo  ni kuona mabadiliko katika elimu na kuangalia vyanzo vingine  kuliko kukitegemea chanzo kimoja cha Korosho