Dc Sawala awataka wakandarasi kuzingatia Mpango kazi Ujenzi wa vyumba vya madarasa

Posted on: October 12th, 2022

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala amewataka wakandarasi kuzingatia  Mpango kazi katika kutekeleza miradi ya ujenzi wa vyumba vya madarasa kumi (10) vya madarasa ili kukamilisha miradi hiyo kwa wakati

Amesema hayo  Oktoba 12 wakati akifungua kikao kazi cha wasimamizi ambao ujenzi wa vyumba  vya madarasa unafanyika katika maeneo ya ambacho kimefanyika katika ukumbi wa mikutano wa Halmashauri

‘Tunamshukuru Mhe.Rais kwa kutupatia fedha kwa ajili ya ujenzi wa vyumba vya madarasa kumi,zingatieni mpango kazi tuliojiwekea ili madarasa yakamilike kwa wakati na ubora unaotakiwa,wakandarasi wekeni mafundi wa kutosha,”amesema Dc

Naye Mkurugenzi Mtendaji Halmashauri ya Wilaya ya Tandahimba Ndg. Mussa Gama  amesema tayari hatua za awali zimefanyika katika maeneo ambayo utekelezaji wa madarasa utafanyika ambapo ni shule ya sekondari Tandahimba,Mndumbwe na Kwanayama