DC SAWALA AWATAKA MAKATIBU WA AMCOS KUWA WAADILIFU WAKATI WA UGAWAJI WA PEMBEJEO KWA WAKULIMA

Posted on: June 30th, 2023

Na Kitengo cha Mawasiliano

Mkuu wa Wilaya ya Tandahimba Mhe Kanali Patrick Sawala amewataka makatibu wa vyama vya ushirika ( amcos) ambao wamepewa dhamana  na Serikali ya kugawa pembejeo katika maeneo yao kufanya kazi hiyo kwa uadilifu

Amesema hayo Mei 30,2023 kwenye kikao cha Kamati ya Pembejeo ya Wilaya ambapo kimepitia mwongozo wa usambazaji na mfumo wa ugawaji wa pembejeo za ruzuku msimu wa mwaka 2023/2024 ili kujenga uelewa wa pamoja

DC  Sawala amesema kuwa  Serikali  imegawa pembejeo hizo bure kwa wakulima  ili kuwapunguzia gharama ambapo watasimamia  zoezi la ugawaji ili liweze kukamilika  kwa ufanisi

Kwa upande wake Kaimu Meneja Mipango ya Kilimo Bodi ya Korosho Tanzania Ndg.Juma Yusuph ameeleza kuwa  tayari pembejeo zimeanza kusambazwa ambapo Halmashauri ya Wilaya ya Tandahimba imeanza kupokea pembejeo hizo kupitia Chama kikuu cha Ushirika Tanecu