Dc Sawala awataka mafundi kuongeza kasi ili kukamilisha miradi kwa wakati

Posted on: November 15th, 2021

Na Kitengo cha Habari na Mawasiliano

Mkuu wa Wilaya ya Halmashauri ya Wilaya ya Tandahimba Mhe.Kanali Patrick Sawala  amewataka mafundi viongozi katika miradi ya Elimu na Afya  kuongeza ili kukamilisha miradi hiyo kwa wakati

Dc Sawala (wa pili kulia) akipima ukubwa wa darasa katika shule ya sekondari Mweminaki,wa kwanza kushoto  Katibu Tawala Wilaya Juvenile Mwambi,Mkurugenzi Mtendaji Ndugu Mussa Gama(wapili kushoto)

Dc Sawala akiwa ameambatana na Kamati ya Ulinzi na Usalama  Mkurugenzi  Mtendaji  Halmashauri ya Wilaya ya Tandahimba ndugu Mussa Gama  na wakuu wa Idara na Vitengo ameyasema hayo alipofanya ziara ya kukagua miradi hiyo  mwishoni mwa wiki ambayo Serikali imetoa fedha kwa ajili ya utekelezaji wake

 “Miradi hii nahitaji ikamilike kwa wakati,mafundi viongozi ongezeni nguvu ya mafundi  ili twende na kasi tukamilishe kwa wakati,naamini muda ambao tumejiwekea kukamilisha miradi hii  tutafanikiwa,”amesema Dc Sawala

Mkuu wa Wilaya ya Tandahimba Mhe.Kanali Sawala akisistiza jambo kwa mafundi wa kituo cha afya cha Tarafa ya Mihambwe

Naye Mkurugenzi Mtendaji  ndugu Mussa Gama amewasistiza mafudi kuhakikisha  wanafanya taratibu za malipo mara wanapomaliza  hatua moja ili kupata malipo yao kwa wakati muafaka

Mkurugenzi Mtendaji ndg Gama (wakwanza kushoto)akipitia nyaraka za mradi wa vyumba vitano vya madarasa shule ya sekondari Michenjele

“Mafundi hakikisheni mnakamilisha taratibu za malipo mara unapomaliza hatua moja kwa kuwa Serikali ina utaratibu wake kwenye malipo siyo unamaliza leo unataka na fedha siku hiyo hiyo ni ngumu,fanya utatibu mapema ili unapomaliza kazi hiyo unapata na fedha yako unaendelea na hatua inayofuata,”amesema Mkurugenzi

Halmashauri ya Wilaya ya Tandahimba imepata shilingi Bilioni 1.76 kwa ajili ya ujenzi wa vyumba vya madarasa 82 kwa shule za sekondari,na shule shikizi vyumba 6 ,pia imepokea shilingi Milioni 750 kwa ajili ya ujenzi wa vituo vya afya katika Tarafa tatu  fedha zote zimetolewa na Serikali  ya awamu ya sita