Dc Sawala awahimiza vijana kushiriki katika shughuli za Maendeleo

Posted on: June 23rd, 2022

Na Kitengo cha Habari na Mawasailiano

Mkuu wa Wilaya ya Tandahimba Mhe.Kanali Patrick Sawala amewataka vijana kushiriki katika shughuli za maendeleo hususan kilimo na miradi inayoendelea katika  maeneo yao

Ameyasema hayo leo Juni 23,202 wakati akizungumza na wananchi wa Kata ya Mihambwe kuhusu masuala mbalimbali ikiwa pamoja na kusikiliza kero zao ambapo kabla ya kikao hicho alifanya mkutano na viongozi wa dini wa kata hiyo

Viongozi wa dini kata ya Mihambwe wakimsikiliza Dc Sawala(hayupo pichani)

“Vijana mshiriki katika shughuli za maendeleo msiwaachie  wazee  na akina mama waende shambani peke yao hii siyo sawa,lakini pia mshiriki katika shughuli za maendeleo ambazo zinafanyika katika maene yenu kama vile ujenzi wa vituo vya afya,hii ni miradi yenu ushiriki wenu ni muhimu,”amesema Dc Sawala

Wananchi wa Kata ya Mihambwe wakiwa katika Mkutano  wakimsikiliza Mkuu wa Wilaya (hayupo pichani)

Aidha ametoa wito kwa wananchi kuendelea  kudumisha amani katika maeneo yao sambamba na vijana kushiriki katika ulinzi shirikishi  kwa kuanzisha sungusungu ili kuimarisha ulinzi na usalama wa maeneo lakini pia amewahamasisha wananchi kushiriki Sensa ya watu na makazi Agosti 23,2022 kwa maendeleo ya Wilaya na Taifa kwa ujumla

Naye Mkurugenzi Mtendaji Halmashauri ya Wilaya ya Tandahimba Ndugu Mussa Gama amewahimiza wananchi kuunda vikundi ili wapate mikopo ya asilimia 10 ya wanawake,vijana na watu wenye ulemavu ili kuweza kukuza kipato

Ndugu.Mussa Gama Mkurugenzi Mtendaji wa Halmashauri ya Wilaya ya Tandahimba akieleza jambo kwa wananchi wa Mihambwe

Amesema kuwa mikopo hiyo haina riba hivyo jukumu kubwa ni kuhakikisha wanao pata mikopo irejeshwe kwa wakati ili wengine nao waweze kupata

Aidha Mkurugenzi amewaeleza wananchi wa kata hiyo kuwa ukarabati wa shule ya msingi Ruvuma ambayo ni miongoni mwa shule tisa ambazo miundombinu yake iliharibiwa na mvua  utaanza hivi karibuni