DC Sawala atoa siku saba kwa wazazi na walezi wasiopeleka wanafunzi kuripoti shule kuchukuliwa hatua kali za kisheria

Posted on: January 17th, 2023

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala ametoa siku saba hadi kufikia Jumatatu Januari 23,2023 wazazi na walezi wasiowapeleka wanafunzi wa kidato cha kwanza,walisajiliwa darasa la kwanza na awali hatua kali za kisheria  zitachukuliwa dhidi yao

Amesema hayo Januari 17,2023 wakati wa ziara ya ufuatiliji wa maendeleo  katika shule za sekondari  ambapo timu tatu za viongozi wa Wilaya zikiongozwa na Dc  zinapita kata hadi kata shule hadi shule kuangalia hali ya uripoti wa wanafunzi katika Halmashauri ya Wilaya ya Tandahimba

“Watendaji wa Kata ,vijiji na wenyeviti katika maeneo yenu hakikisheni wanafunzi wanaotakiwa kuripoti shule wakaripoti shule natoa siku saba hadi jumatatu asiyeripoti hatuakali za kisheria zichukuliwe kwa wazazi na walezi wa wanafunzi,”amesistiza Dc Sawala

Aidha katika ziara hiyo amesistiza upatikanaji wa chakula shuleni kwa wanafunzi wote sambamba na kuhakikisha hakuna mdondoko au utoro kwa wanafunzi hususan wanafunzi wa sekondari

“Mkakati wa Wilaya wa kila shule kulima mazao ya chakula  uendelee ili wanafunzi wapate chakula shuleni,uongozi wa  kata  hakikisheni mnapata orodha ya wanafunzi watoro ili wahudhurie shule,mdondoko huu wa wanafunzi usiwepo katika maeneo yetu,”amesema Dc

Kwa upande wa madiwani  wa kata ambazo zimetembelewa wameahidi  kushirikiana na uongozi wa kata zao ili wanafunzi waripoti shule,ziara hiyo ya siku tatu imeanza Januari 17-19,2023 ambapo shule zote zitatembelewa