DC SAWALA ATOA RAI KWA WAJANE TANDAHIMBA KUCHANGAMKIA FURSA ZILIZOPO

Posted on: June 22nd, 2023

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala ametoa rai kwa Wajane wa Halmashauri ya Wilaya ya Tandahimba kutumia fursa zilizopo kuinua kipato ili kuboresha maisha yao sambamba na kuchangia maendeleo ya Wilaya na Taifa kwa ujumla

Amesema hayo katika Kongamano la Wajane ambalo limefanyika katika Ukumbi wa Mikutano wa Halmashauri ya Wilaya ya Tandahimba Juni 22,2023 ambapo wamejadili masuala mbalimbali  yanayowahusu wajane

" Pamoja na changamoto zinazowakabili wajane lakini pia tumieni fursa zilizopo katika Wilaya yetu ili kuinua kipato na kuboresha maisha yenu,ipo mikopo ya asilimia kumi inayotolewa na  Halmashauri mnaweza kutumia fursa hiyo pia," amesema Dc Sawala

Siku ya Wajane Duniani huadhimishwa kila mwaka Juni 23 ambapo Kauli mbiu ya mwaka 2023 " Wezesha Wajane kwa Teknolojia Bora Kuwainua Kiuchumi"