Dc Sawala asistiza wanafunzi Tandahimba kuongeza juhudi kwenye masomo

Posted on: July 15th, 2021

Na Kitengo cha Habari na Mawasiliano

Mkuu wa Wilaya  ya Tandahimba Mhe.Kanali Patrick Sawala amewataka wanafunzi  wa darasa la saba kuongeza jitihada kwenye masomo ili waweze kufanya vizuri kwenye mitihani yao na kuendelea na Elimu ya sekondari

Wanafunzi wakinyoosha mikono kujibu swali alilouliza Dc Swala

Ameyasema hayo leo Julai 15/2021 wakati alipotembelea shule ya msingi Amani na kueleza kuwa  wasikubali kushawishiwa kutofanya vizuri katika masomo kwa sababu yoyote ile ili waweze kufikia malengo yao

“Natumaini mmejiandaa vizuri,ongezeni juhudi katika masomo usikubali mtu yoyote akushawishi ufanye vibaya katika masomo ili usiendelee na masomo,huyo anataka ndoto zako za mafanikio zisifanikiwe ,”amesema Dc Sawala

Dc Sawala akieleza umuhimu wa kuongeza juhudi kwenye masomo kwa wanafunzi

Aidha Dc Sawala ameongea na walimu wa shule hiyo na kuwasistiza kuendelea kutimiza majukumu yao ili wanafunzi waweze kufanya vizuri kwenye masomo na kuongeza ufaulu  kwa wanafunzi wa madarasa yenye mitihani

Dc Sawala(katikati) akiwa ameongozana na walimu wa shule hiyo wakielekea darasa la saba ili aweze kongea na wanafunzi

Naye Mwalimu Mkuu wa Shule hiyo ndg Yusuph Ulaya  amesema walimu wamejipanga kiufundishaji na wanaendelea kutekeleza majukumu yao kama kawaida ,kwa madarasa yenye mitihani wameweka utaratibu unaofaa

Mwalimu Mkuu  ndg Yusuf Ulaya (wa pili kushoto)akimtambulisha Mkuu waWilaya kwa wanafunzi wa darasa la saba shuleni hapo

Akitoa neno la shukrani kwa niaba ya Walimu ,Bi Logisiana Mbawala amempongeza Mkuu wa Wilaya kwa   kuwatembelea na kuongea nao wamemuahidi kuendelea kutekeleza majukumu yao ipasavyo ili kuongeza ufaulu kwa wanafunzi

Mwalimu Logisiana Mbawala (aliyesimama kulia)akitoa neno kwa Dc Sawala baada ya kuwatembelea shuleni hapo