DC SAWALA ASISTIZA MADIWANI KUSIMAMIA UPATIKANAJI WA CHAKULA KWA WANAFUNZI WOTE KATIKA KATA ZAO

Posted on: May 12th, 2023

Na Kitengo cha Mawasiliano

Mkuu wa Wilaya ya Tandahimba Mhe Kanali Patrick Sawala amewasistiza madiwani wa Halmashauri ya Wilaya ya Tandahimba kusimamia upatikanaji wa chakula kwa wanafunzi wote katika shule za msingi na sekondari katika kata zao wanazotoka

 Ameyasema hayo kwenye mkutano wa baraza la madiwani Mei 12,2023  ikiwa ni siku ya pili ya mkutano huo ambao umefanyika katika ukumbi wa mikutano wa Halmashauri ,Dc Sawala amesema kuwa katika kata zao wanaweza kuweka mikakati madhubuti ili wanafunzi wapate lishe shuleni

" Nawapongeza kwa ushirikiano ambao mnaonyesha katika masuala mbalimbali ya Maendeleo,suala la lishe kwa wanafunzi tuendelee kusimamia na kuweka mikakati ili wanafunzi wote  katika kata yako wapate chakula," amesema Dc Sawala

Katika mkutano huo wa siku mbili Mkurugenzi Mtendaji Halmashauri ya Wilaya ya Tandahimba Ndg.Mussa Gama alijibu maswali ya papo kwa papo kutoka kwa waheshimiwa madiwani pia aliwasilisha taarifa yake

Aidha amewasistiza madiwani kuendelea kushirikiana  katika suala la kusimamia mapato  sambamba na kusimamia  miradi ya maendeleo inayotekelezwa katika maeneo yao ili ikamilike kwa wakati