Dc Sawala asema Watakaouza pembejeo inayotolewa na serikali kukiona cha moto

Posted on: July 13th, 2021

Na Kitengo cha Habari na Mawasiliano

Mkuu wa Wilaya ya Tandahimba Mhe.Kanali Patrick Sawala amesema hatua kali itachukuliwa kwa yoyote atakebainika kuuza pembejeo zinazotolewa na serikali kwa wakulima katika vyama vya msingi

Ameyasema hayo wakati akizungumza na wazee wa Wilaya ya Tandahimba katika ukumbi wa mikutano  wa Halmashauri ya Wilaya ya Tandahimba,amesistiza kuwa pembejeo hizo zimetolewa na serikali ili kumsaidia mkulima kupuliza mikorosho  kuongeza uzalishaji

Mkuu wa Wilaya ya Tandahimba Mhe. Kanali Patrick Sawala akieleza jambo kwa wazee

“Serikali ina nia njema kwa wakulima lakini wapo watu siyo waamifu wananchukua pembejeo  kwenda kuuza,atakayebainika hatutaweza kumvumilia tutamchukulia hatua kali na  vyama vya msingi zingatieni  kuwa pembejeo hizi ni kwa ajili ya wakulima ambapo idadi yao mnayo,”amesema Dc Sawala

Mhe.Dc Sawala(aliyesimama)  akizungumza na wazee kuhimiza wajukuu wao kuhudhuria shule ambapo ameambatana na  Das(wa kwanza kushoto),Mwenyekiti wa Halmashauri(wapili kushoto),Mkurugenzi(wa pili kulia) na Afisa Tawala(wa kwanza kulia)

Katika mkutano huo Dc Sawala amezungumzia masuala ya afya,kilimo,ushirika,Elimu,mikopo ya vikundi na ulinzi na usalama,akizungumzia elimu amesema kuwa  jamii inatakiwa kusimama pamoja kukomesha utoro na kuwasistiza watoto kuhudhuria shule ili waweze kupata matokeo mazuri

Wazee ambao walihudhuria  mkutano huo

“Naamini tukishirikiana  tutapandisha ufaulu wa watoto wetu kuanzia shule za msingi hadi sekondari,najua baadhi ya wazee mnaishi na wajukuu msiwaache wakae nyumbani wasistizeni umuhimu wa elimu,”amesema DcSawala

Aidha katika suala la Kilimo na ushirika amesitiza wananchi kuendelea kulima mazao  mchanganyiko  na kuongeza zao la ufuta kuwa zao la kibiashara  kukuza kipato pia amesistiza viongozi wa vyama vya msingi kuwa waaminifu

Wazaee wakimsikiliza kwa makini Mkuu wa Wilaya Mhe. Kanali Sawala

Dc Sawala ameendelea kuwahimiza wananchi kuendelea kuchukua tahadhari zote zinazotolewa na Wizara ya Afya nchini  dhidi ya ugonjwa wa korona sambamba na kuendelea  kulinda amani na utulivu  ndani ya Wilaya

Katibu wa wazee Wilaya ya Tandahimba ndg Rashid Kapera akitoa neno kwa niaba ya Mhe.Dc Sawala

Naye Katibu wa Wazee Wilaya ya Tandahimba ndugu Rashid Kapera amesema  kuwa mkutano huo umeleta taswira mpya kwa wazee na wananchi wa Tandahimba kwa pamoja kwa ushirikiano  maendeleo yataendelea kuimarika