Dc Sawala aridhishwa na Utekelezaji wa afua za lishe ngazi ya kata

Posted on: August 7th, 2022

Na Kitengo cha Mawasiliano 

Mkuu wa Wilaya ya Tandahimba Mhe.Kanali Patrick Sawala amesema ameridhishwa na utekelezaji wa afua za lishe ngazi ya kata

Ameyasema hayo leo Julai 7,2022 katika kikao cha Tathmini ya utekelezaji wa afua za lishe ngazi ya kata katika ukumbi wa mikutano wa Halmashauri

Watendaji wa kata wakiwa katika kikao cha tathmini ya utekelezaji wa afua za lishe

“Nawapongeza sana  kata zote kwa kusimamia jukumu la lishe katika maeneo yenu na kupata alama asilimia mia,hapo mmetekeleza majukumu yenu,mmeitendea haki jamii mnayoingoza na nafasi zenu za usimamizi,”amesema Dc Sawala

Amesema kuwa Watoto wenye lishe bora na afya bora wana uwezo mzuri katika masomo yao na hivyo kutengeneza kizazii bora ambacho kinaweza kusimamia rasilimali za nchi yetu

 “Mmefanikiwa kusimamia Watoto wetu wasipate  udumavu na utapiamlo kwa kusimamia afua za lishe katika maeneo yenu,ongezeni jitihada pia muwatembelee akina mama wajawazito waliopo katika maeneo yenu,”amesema Dc Sawala

Naye Dkt.Joselyne Kalikawe Mratatibu wa Lishe Wilaya ya Tandahimba amesema kuwa katika Kata zote 32 utekelezaji wa afua za lishe zimefanyika kwa asilimmia mia moja(100%)

Mratibu Lishe Wilaya ya Tandahimba Dkt.Joselyne Kalikawe akifafanua jambo kwa watendaji Kata

Mratibu ameendelea kuwasistiza  wazazi,walezi kuhakikisha wanazingatia lishe bora kwa Watoto lkn pia kutoa ushirikiano ili wanafunzi waendelee kupata  chakula  shuleni kwa asilimia mia moja

Aidha naye Mtendaji wa Kata ya Mkoreha Anifa Shankupa amesema kuwa wataendelea kusimamia afua za lishe katika kata zao ili kuepuka udumavu na utamialo kwa Watoto