DC SAWALA APIGA MARUFUKU UUZAJI WA MAKOPA WILAYANI TANDAHIMBA

Posted on: August 25th, 2023

Na Kitengo cha Mawasiliano 

Mkuu wa Wilaya ya Tandahimba Mhe.Kanali Patrick  Sawala amepiga marufuku uuzaji na ununuzi wa mihogo mikavu( Makopa) ili kujikinga na upungufu wa chakula ndani ya Wilaya ya Tandahimba

Amesema hayo  Agosti 24,2023 kwenye Mkutano wa Mwaka wa kawaida wa baraza la madiwani ambapo amewasistiza madiwani kwenda kuwahimiza wananchi kutunza chakula wanachopata  kwakuwa kuna upungufu wa chakula

" Hakuna kibali ambacho kinatolewa kwa wanunuzi kwenda kununua makopa vijijini tangu mwaka jana ,akikutwa mtu ananunua huko vijijini hatua za kisheria zitachukuliwa dhidi yake,ni marufuku uuzaji na ununuzi wa makopa ndani ya Wilaya ya Tandahimba,na madiwani mkalisimamie hilo kwenye maeneo yenu," amesema Dc Sawala

Aidha amewasistiza madiwani kwenda kusimamia ukusanyaji wa mapato katika maeneo yao ,kudhibiti utoro wa wanafunzi , kusimamia  upatikanaji wa chakula shuleni , kuwahimiza wananchi kulima mazao mchanganyiko na kusimamia miradi ya maendeleo inayotekelezwa katika maeneo yao ikamilike kwa wakati

Hata hivyo amewataka Watendaji wa Kata kuhuisha daftari la wageni katika maeneo yao ili kuimarisha ulinzi na usalama