Dc Sawala apiga marufuku ngoma za usiku Wilaya ya Tandahimba

Posted on: November 16th, 2021

 Na Kitengo cha Habari na Mawasiliano 

Mkuu wa Wilaya ya Tandahimba Mhe.Kanali Patrick Sawala amepiga marufuku  ngoma za usiku  na kueleza kuwa zinachangia wanafunzi kupata ujauzito kabla ya wakati wao na kushindwa kuendelea na masomo

Ameyasema hayo mwishoni mwa wiki wakati akizungumza  na wananchi wa kata ya Mihambwe na  amesema kuwa jukumu la wazazai ni kuhakikisha wanafunzi wanahudhuria shule  ili waweze kufikia malengo yao na kutoruhusu  utoro wa reja reja kwa wanafunzi

Mkuu wa Wilaya ya Tandahimba Mhe.Kanali Patrick Sawala akizungumza na wananchi wa Kata ya Mihambwe

“Marufuku ngoma za Usiku kwenye Wilaya ya Tandahimba kwa sasa,sikatazi mila na desturi ila usiku hapana,kwakuwa wanafunzi wetu wanapata jauzito huko kwenye ngoma ngoma ambapo wanakutana na mafataki,tena ukibainika umempa mwanafunzi mimba hakuna majadiliano ni  mahakamani sharia inasema kosa hilo ni  miaka thelathini  jela tena mimi natamani wangechapwa na viboko,kwakuwa wanakatisha ndoto za wanafunzi wetu,”amesema Dc Sawala

Aidha Dc Sawala katika mkutano huo amewasistiza wananchi kuendelea kuimarisha  ulinzi  na usalama  katika maeneo yao,kuendelea kuchukua hatua dhidi ya UVIKO-19  na kupata chanjo ambayo inapatikana katika vituo vya serikali, kulima mazao mchanganyiko na kuongeza jitihada  zao la ufuta  ili kukuza uchumi wa mtu mmoja mmoja lakini pia Taifa kwa ujumla

 Wananchi wa kata ya Mihambwe wakimsikiliza Mkuu wa Wilaya ya Tandahimba Mhe.Kanali Sawala (Hayupo Pichani)

“Nawapongeza wananchi kwa jinsi ambavyo mnashirikiana kuhakikisha ulinzi na usalama unaimarika,lakini pia naendelea kusistiza kuwa kila mgeni anayekuja katika kijiji taarifa zake zichukuliwe kwenye madaftari ya wakazi  ambayo yapo kuanzia ngazi ya vijiji na vitongoji,”amesema Dc Sawala

Naye Mkurugenzi Mtendaji  Halmasahauri ya Wilaya ya Tandahimba ndugu Mussa Gama akizungumza na wananchi wa Kata ya Mihambwe amesema kuwa ushiriki wa wananchi katika miradi ya maendeleo ni muhimu kwakuwa wao ni wahusika wakuu wa miradi hiyo  katika maeneo yao

Mkurugenzi Mtendaji ndg Gama akizungumza na baadhi ya wananchi na kamati ya mradi ambao walifika kushiriki mradi wa vyumba vya madarasa Sekondari ya Michenjele

“Nawaomba mshiriki katika miradi hii ya madarasa na vituo vya afya ,fedha ipo lakini mkishiriki gharama ambazo zingetakiwa kulipwa zinabaki kwenye kijiji kwaiyo kituo kikikamlika zile fedha zinaweza kutumika kwa kuongeza dawa au kujenga nyumba ya m ganga,”amesema Mkurugenzi 

 Mkurugenzi Mtendaji ndg Gama  akijitambulisha kwa wananchi wa kata ya Mihambwe