Dc Sawala aongoza Matembezi ya Hisani Wilaya ya Tandahimba

Posted on: March 4th, 2023

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala ameongoza wananchi katika matembezi ya hisani ambayo yameanzia ofisi ya Mkuu wa Wilay kuelekea soko la zamani na kuhitimisha kiwanja cha Shule ya msingi Amani sambamba na kufanya usafi wa mazingira

Akihitimisha  matembezi hayo katika viwanja  vya shule ya msingi Amani Machi 4,2023 Dc Sawala amesema  matembezi hayo  yanalengo la kuamsha ari kwa wananchi  kuelekea siku ya wanawake ambayo Kimkoa yatafanyika Machi 8,katika Halmashauri ya Wilaya ya Tandahimba

Aidha amesema pia matembezi yanalengo la  kuamsha ari na kuleta ujumbe kwa wanatandahimba kushiriki katika uzinduzi  wa mbio za mwenge wa Uhuru Kitaifa Mkoani Mtwara Aprili 2,2023 na ujumbe wa kukaribisha na kuupokea Mwenge wa Uhuru katika Halmshauri ya Wilaya ya Tandahimba Aprili 5,2023

Hata hivyo ametoa wito kwa wananchi  kushiriki katika maandalizi  ya Mwenge wa Uhuru ikiwa ni pamoja  na kufanya usafi wa mazingira  katika maeneo husika

Naye Mkurugenzi Mtendaji Halmashauri ya Wilaya ya Tandahimba Ndg.Mussa Gama amesema kuwa kuelekea katika matukio hayo Halmasahauri inaendelea na maandalizi mbalimbali