Dc Sawala aongoza kikao kazi cha anwani za makazi kwa Watendaji wa kata,vijiji na maafisa tarafa

Posted on: February 16th, 2022

Na Kitengo cha Habari na Mawasiliano

Mkuu wa Wilaya ya Tandahimba Mhe.Kanali Patrick Sawala  amesema kuwa anwani za makazi zina umuhimu mkubwa ikiwemo kuboresha huduma za kijamii  na amewasistiza watendaji kusimamia zoezi hilo ili liweze kukamilika kwa wakati

Ameyasema hayo leo Februari 16,2022 wakati akifungua kikao kazi  cha watendaji wa kata,vijiji na maafisa tarafa   kwnye ukumbi wa mikutano wa Halmashauri ili kuwajengea uwezo wa kutekeleza zoezi  la anwani za makazi

“Niwaombe watendaji mkatimize wajibu wenu katika kutekeleza jukumu hili kwa wakati Kuna faida nyingi sana za anwani za makazi  ikiwemo kuboresha huduma za kijamii  na nyingine nyingi hivyo likikamilika kwa wakati itarahisisha  shughuli nyingine,”amesema Dc Sawala

Naye Mkurugenzi  Mtendaji wa Halmasahauri ya Wilaya ya Tandahimba Ndugu Mussa Gama amesema  kuwa   yale ambayo wawezeshaji wameelekeza katika kikao hicho wakayazingatie ili yaweze kuwasaidia kukamilisha kazi hiyo kwa wakati

‘Naamini zoezi hili tutafanikiwa kukamilisha kwa wakati na  kila mmoja atayatekeleza yale ambayo tumekubaliana  ili tukayasimamie  na kuleta mafanikio chanya ,”amesema Mkurugenzi 

Naye Mwenyekiti wa kamati ya anwani za makazi  ndugu Nasibu Namkuna amewaeleza kuwa  ili waweze kufanikisha   zoezi hilo ushirikiano kati ya mwenyekiti wa kitongoji,mtendaji wa kijiji na mtendaji wa kata unatakiwa uwe mkubwa ili kuweza kufikia malengo 

Nao Watendaji wa kata kwa nyakati tofauti wamesema kuwa kikao hicho kimewajengea uwezo wa kutekeleza jukumu hilo kwa ufasaha  na wakati katika maeneo yao