Dc Sawala akagua Ofisi ya Baraza la Ardhi na Nyumba Wilaya ya Tandahimba

Posted on: January 20th, 2023

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala ametoa wito kwa wananchi wa Tandahimba  kuanza kutumia  Baraza la Ardhi na Nyumba la Wilaya ya Tandahimba ambalo limeanzishwa ili kurahisisha upatikanaji wa huduma karibu na wananchi

Amesema hayo Januari 20,2023 wakati akikagua Ofisi ya Baraza la Ardhi na Nyumba Wilaya ya Tandahimba ambapo amepongeza jitihada za kufanikisha ofisi hiyo ambayo itarahisisha upatikanaji wa huduma karibu na wananchi

“Wananchi tutumie Ofisi hii ya baraza la Ardhi na Nyumba iliyopo hapa kwetu,nawapongeza mliosimamia  kukamilika kwa ofisi hii ambayo itarahisisha upatikanaji wa huduma karibu na wananchi ambao awali walikuwa wanapata huduma hiyo Mkoani Mtwara na hivyo wengine kuacha haki zao zikipotea kutokana na umbali,”amesema Dc Sawala

Aidha amewasistiza wajumbe wa baraza hilo kusimamia haki ili wananchi waendelee kupata huduma bora