Dc Sawala akabidhi vifaa kwa ajili ya Watoto wenye mahitaji maalum

Posted on: June 14th, 2022

Na Kitengo cha Habari na Mawasiliano

Mkuu wa Wilaya ya Tandahimba Mhe.Kanali Patrick Sawala amekabidhi vifaa mbalimbali kwa Watoto wenye mahitaji maalum katika shule ya msingi Mjimpya Maalum iliyopo kata ya Tandahimba

Akikabidhi vifaa hivyo Leo Juni 14,2022  shuleni hapo ametoa wito kwa wazazi na walezi wenye Watoto wenye mahitaji maalum kuacha kuwaficha nyumbani badala yake wawapeleke shuleni hapo ili wapate haki yao ya msingi ya elimu

“Nimeleta vifaa  hapa kwa watoto wetu wenye mahitaji maalum wajue kuwa tunawapenda na tunawathamini sana kwasabaabu wana haki sawa na Watoto wengine  ,”amesema Dc Sawala

Aidha amewapongeza walimu wa shule ya mjimpya maalum  kwa jitihada wanayoifanya ya kuhakikisha watoto hao wanapata elimu bora sambamba na elimu ya kujitambua  ambayo inawasaidia katika shughuli zao za kila siku

Naye Mwalimu Sharifa Machemba kwa niaba ya Mwalimu Mkuu wa Shule hiyo amemshukuru Dc kwa vifaaa hivyo ambapo amesema vitatumika kama vilivyokusudiwa