DC SAWALA AFIKA KUWAPA POLE WAHANGA WA MVUA NAMIKUPA.

Posted on: January 17th, 2024

Mkuu wa Wilaya ya Tandahimba Mhe.Kanali Patrick Sawala Leo Januari 17, 2024 ameambatana na kamati ya Maafa na Viongozi mbalimbali kwenda Kata ya Namikupa kuwaona wahanga wa Mvua kubwa zilizonyesha hivi karibuni na kusababisha baadhi ya Nyumba kuezuliwa na Kubomoka.

DC Sawala ametoa Salamu za  pole kwa wahanga na kuongeza kuwa Serikali ipo kwa ajili ya kuwahudumia Wananchi hata katika Majanga kama haya ya Mvua.

"Poleni sana na  Serikali yenu iko na nyinyi, haijawatupa na ndio maana tumekuja kuwaona kupata taarifa ya kina ya madhara yaliyotokea ili iweze kuwasaidia" DC Sawala.

Aidha, DC Sawala  amewapongeza Wananchi ambao tayari wameanza kurekebisha nyumba zilizoathirika huku akiwasisitiza  kuendelea kuchukua tahadhari hasa katika kipindi hiki Cha Mvua nyingi pamoja na kutoa taarifa haraka endapo kutatokea majanga ili Serikali iweze kuchukua hatua.

Diwani wa Kata ya Namikupa Mhe.Mohamed Mnamala ameishukuru Serikali kwa kuonesha jitihahatua za kuwajali Wananchi 

wake .