DC SAWALA AFANYA MKUTANO WA HADHARA KUSIKILIZA NA KUTATUA KERO ZA WANANCHI NAMBAHU NA MKONJOANO.

Posted on: March 4th, 2024

Na Kitengo cha Mawasiliano 

Mkuu wa Wilaya ya Tandahimba Mhe.Kanali Patrick Sawala amefanya Mkutano wa hadhara katika Kata za Nambahu na Mkonjoano Kwa ajili ya kusikiliza na kutatua kero za wananchi wa Kata hizo Leo Machi 4, 2024 .

Katika Mkutano wa hadhara Nambahu DC Sawala amewasisitiza Wananchi kuendelea kuamini Viongozi na kutoa changamoto zozote zinazojitokeza ili zipatiwe ufumbuzi wa haraka kwa Maendeleo yao na sio kusubiri mambo yanaharibika .

Miongoni mwa hoja  zilizowasilishwa na wananchi hao ni pamoja na kutaka kujua Miradi inayoibuliwa kwa Nguvu za wananchi inakamilishwaje na Halmashauri sambamba na uhakika wa upatikanaji wa pembejeo za Kilimo kwa Wakulima.

Ziara ya Mkuu wa Wilaya Kata kwa kata inaendelea Jumatano  Machi 6, 2024 katika Kata  za Tandahimba, Miuta, Malopokelo na Kitama.