Dc Sawala aagiza utaratibu wa kuwapima ujauzito wanafunzi wa kike uanze rasmi

Posted on: September 9th, 2021

Na Kitengo cha Habari na Mawasilano

Mkuu wa Wilaya ya Tandahimba Mhe.Kanali  Patrick Sawala  amesema utaratibu wa kuwapima wanafunzi wa kike ujauzito uanze rasmi katika  shule zote ndani ya Wilaya

Mkuu wa Wilaya ya Tandahimba Kanali Patrick Sawala akizungumza kwenye kikao cha baraza la madiwani

Ameyasema hayo jana Septemba 7,2021 kwenye kikao cha kawaida cha baraza la madiwani kilichofanyika katika ukumbi wa mikutano wa Halmashauri ya Tandahimba

Madiwani wakiwa kwenye  kikao

“Naagiza rasmi utaratibu wa kuwapima mimba watoto wakike uanze rasmi katika shule zetu zote ndani ya Wilaya lakini natoa wito wazazi  na walezi kutoa ushirikiano mara inapobainika mwanafunzi amepewa mimba  ili hatua za kisheria zichukue mkondo wake,”amesema Dc Sawala

Wakuu wa Idara na Vitengo wakiwa kwenye kikao cha baraza la madiwani

Aidha katika taarifa yake ameelezea masuala mbalimbali ikiwemo afya,elimu,kilimo na ushirika,ulinzi na usalama,maji,usimamizi na utekelezaji wa miradi ya maendeleo inayoendelea katika maeneo mbalimbali ndani ya Wilaya

Kamati ya Ulinzi na usalama  wakiwa kwenye kikao cha baraza la madiwani

Naye Mkurugenzi Mtendaji wa Halmashauri ya Wilaya ya Tandahimba Ndugu Mussa Gama akijibu swali la papo kwa papo la Mhe.Njawala Njawala diwani wa kata ya  Mnyawa,amesema Halmashauri imejipanga kusimamia na kutekeleza miradi kwa wakati

Mkurugenzi Mtendaji ndg Mussa Gama akijibu swali la papo kwa papo  kutoka kwa madiwani

“Nikuondoe hofu Mhe. Njawala mimi na timu yangu tumejipanga kuisimamia miradi inayotekelezwa kuwa inakamilika kwa wakati ili wananchi wapate huduma,”amesema ndg Gama

Aidha naye Meneja Wakala wa Barabara Vijijini (Tarura) Wilaya ya Tandahimba Mhandisi Peter Mliya  amewaomba madiwani kuwa wavumilivu ili fedha iliyopatikana ipelekwe katika maeneo ambayo tayari yapo kwenye mpango 

Meneja wa Tarura Wilaya ya Tandahimba Mhandisi Peter Mliya akijibu maswali ya madiwani ya papo kwa papo

“Nafahamu kuna barabara korofi lakini wananchi wasichote mchanga barabarani kwakuwa wanasababisha mashimo na kuzidisha ubovu,tutakarabati baadhi lakini tuna mpango wa kujenga  barabara km 4 kwa lami,barabara zingine tutaziweka kwenye bajeti ijayo,”amesema Mhandisi

Viongozi wa vyama vya siasa wakifuatilia kikao cha baraza la madiwani