DC azitaka Amcos kutunza takwimu za wakulima kwenye maeneo yao

Posted on: August 5th, 2021

Na Kitengo cha Habari na Mawasiliano

Mkuu wa Wilaya ya Tandahimba Mhe.Kanali Patrick Sawala  amewataka viongozi wa vyama vya msingi (Amcos) kutunza takwimu za ugawaji wa pembejeo kwa wakulima katika maeneo yao  

Viongozi wa Amcoss Wilaya ya Tandahimba wakimsikiliza Mhe.Dc Sawala (hayupo pichani)

Ameyasema hayo  wakati akizungumza na viongozi wa vyama vya ushirika katika ukumbi wa Mikutano wa Halmashauri na kuwasistiza kutekeleza majukumu yao kwa kuzingatia,miongozo,taratibu ,kanuni na sheria katika kutoa huduma

Mhe.Kanali Patrick Sawala akieleza jambo kwa viongozi wa vyama vya  msingi(hawapo pichani)

“Serikali imetoa pembejeo bure kwa wakulima ili kuongeza uzalishaji, tendeni haki kwa wakulima  gaweni pembejeo  bila upendeleo, takwimu hizo mzitunze  vizuri,”amesema Dc Sawala

Aidha Dc  Sawala amesema serikali imeahidi kutoa  mbegu za ufuta kwa wakulima ,ni wajibu wa wakulima wa Tandahimba kutumia nafasi hiyo ili kuweza kuongeza kipato kwa kulima mazao mengine ya kibiashara sambamba na wakulima kuendelea kusafisha mashamba yao

Mkutano huo umehudhuriwa na viongozi wa vyama vya msingi 133  vilivyopo Wilaya ya Tandahimba

Naye Meneja Mkuu  wa Chama kikuu Tandahimba na Newala(Tanecu) ndg. Mohamed mwinguku   amewasistiza viongozi wa vyama vya ushirika ambao hawajachukua vipima unyevu  wafanye hivyo ili kuendelea kuipa thamani korosho ya Tandahimba

Meneja Mkuu wa Tanecu ndg.Mohamed Mwinguku akieleza jambo kwa  viongozi wa Amcos

Afisa Kilimo wa Wilaya ndg.Issa Naumanga akizungumza kwa niaba ya Mkurugenzi Mtendaji amesema kuwa  wataendelea kushirikiana na amcos  ili kuendelea kuongeza  uzalisalishaji  wa zao la Korosho ndani ya Wilaya

Afisa Kilimo Wilaya ya Tandahimba ndg.Issa Naumanga akieleza jambo kwa viongozi wa Amcos