CMT yapewa mafunzo ya jinsi ya kutumia mfumo wa Malalamiko e-Mrejesho

Posted on: June 30th, 2022

Na Kitengo cha Habari na Mawasiliano

Wakuu wa Idara na vitengo (CMT) Halmashauri ya Wilaya ya Tandahimba wamepewa mafunzo ya jinsi ya kutumia mfumo wa e-Mrejesho ili kujibu malalamiko ya watumishi na wananchi ambayo yatahusu idara husika kwa wakati

Wakuu wa Idara na Vitengo (CMT) wakifuatilia mafunzo hayo

Akielezea mfumo huo kwa CMT leo Juni 30,2022 katika ukumbi wa mikutano wa Halmasahauri,Afisa Malalamiko Halmashauri ya Wilaya ya Tandahimba Bi.Judicy Mnzava  amesema kuwa mfumo huo utarahisisha malalamiko kujibiwa kwa wakati

Bi.Judicy Mnzava Afisa Malalamiko akielezea mfumo  wab e-Mrejesho  jinsi unavyoweza kurahisisha huduma kwa wananchi

“Mfumo huu lengo ni kurahisisha huduma kwa mteja ambaye ni mwananchi hivyo utawawezesha CMT kujibu malalamiko ambayo yatahusu idara zao kuyashughulikia kwa wakati na mwananchi au mtumishi atayapata majibu ya malalamiko yake eneo lolote alilopo kwa njia ya simu au kama ametumia mtandao wa tovuti atapata majibu,”amesema Bi.Mnzava

Aidha amesema kuwa  mfumo huu utapokea malalamiko lakini  mwananchi anaweza kutuma pongezi na maoni yake bila kufika Halmashauri na yatashughulikiwa na majibu yatamfikia kwa wakati

Naye Ndugu. Issa Naumanga Mkuu wa Idara ya Kilimo na Ushirika amesema mfumo huo utaongeza uwajibikaji katika kushughulikia malalammiko ambayo yatatolewa  na watumishi na wananchi