CMT wafanya ziara ya kukagua miradi ya ujenzi ya afya na elimu

Posted on: June 10th, 2022

Na Kitengo cha Habari na Mawasiliano

Wakuu wa Idara na Vitengo (CMT)  wametoa rai kwa fundi viongozi wa miradi ya ujenzi wa vituo vya afya na Elimu kuongeza kasi ili miradi hiyo iweze kukamilika na wananchi waweze kunufaika nayo kwa wakati

Hayo wameeleza leo Juni 10,2022 ambapo wamefanya ziara ya kutembelea vituo vya afya vitatu ambavyo ni kituo cha afya Litehu,Mambamba na Mihambwe ambapo serikali ilitoa fedha  awamu ya kwanza shilingi milioni 750   ambapo mradi wa ujenzi wa vituo vyote vitatu  upo katika hatua  za ukamilishaji

Katika awamu ya pili Serikali kuu imetoa fedha  shilingi Milioni 750 kwa ajili ya kuongeza majengo katika vituo hivyo vitatu fedha ambazo tayari zimeanza kufanya kazi ambapo tayari msingi wa jengo umechimbwa

Aidha katika ziara hiyo CMT ilitembelea Shule ya Sekondari ya mfano ya Litehu ambapo jumla ya kiasi cha shilingi Milioni 470 zimetolewa na Serikali Kuu kwa ajili ya ujenzi wa vyumba nane vya madarasa,jengo la maktaba,chumba cha kompyuta,maabara ya fizikia,bailojia na kemia,jengo la utawala na ujenzi wa matundu ya vyoo 20

Miradi hiyo ikikamilika wananchi watapata huduma ya afya karibu na wanafunzi wa kata ya litehu watasoma katika kata yao ambapo kwa sasa wanasoma katika kata jirani