CHUO CHA TAIFA CHA ULINZI TANZANIA WAFANYA ZIARA YA KUJIFUNZA UZALISHAJI WA ZAO LA KOROSHO TANDAHIMBA.

Posted on: January 16th, 2025

Wakufunzi na Wanafunzi wa Chuo  cha Taifa cha Ulinzi  Tanzania (NDC) wakiongozwa na Mkuu  wa msafara Mkufunzi Mwandamizi Elekezi Jeshi la Anga Brigadia Jenerali Erick Mhoro leo Januari 16,2025 wamefanya ziara Wilaya ya Tandahimba kujifunza uzalishaji wa zao la Korosho.

Akiwasilisha taarifa fupi ya Wilaya Mkuu wa Wilaya ya Tandahimba Mhe.Kanali Michael Mntenjele ametumia nafasi hiyo pia kuwakaribisha kuwekeza Tandahimba  katika sekta ya kilimo hususani viwanda.

Katika ziara yao  wakiwa Tandahimba wametembelea shamba la mkulima wa  korosho kijiji cha Mivanga Kata ya Nambahu Ndg Muhdin Jumbe  anaemiliki ekari kumi za  shamba la mikorosho ambapo  aamewaelezea jinsi alivyofanikiwa kuinua uchumi wa familia kupitia zao la Korosho 

Aidha wametembelea chama cha Msingi Matogoro  ambapo wameelezwa na kuona jinsi chama hicho kinavyopokea korosho za mkulima hadi hatua ya kupeleka korosho hizo kwenye Chama Kikuu cha Ushirika na kuhitimisha ziara yao kwa kutembelea kiwanda cha Korosho cha AMAMA na kuona jinsi wanavyoiongezea  thamani Korosho na kuuza Nje ya Nchi  kutoka moja kwa moja Tandahimba.

Kwa upande wake Brigedia Jenerali Erick Mhoro amempongeza Mkuu wa Wilaya ya Tandahimba kwa usimamizi  wa shughuli za uzalishaji wa Korosho katika Wilaya ya Tandahimba  ambapo ni  utekelezaji wa sera ya Serikali katika kuinua Uchumi lakini pia wamepongeza juhudi zote zinazofanyika,katika maeneo waliyotembelea .

# Tandahimba tumejipanga kazi zinaendelea