Baraza la Wafanyakazi Tandahimba wafanya Uchaguzi

Posted on: January 13th, 2023

Na Kitengo cha Mawasiliano

Baraza la Wafanyakazi Halmashauri ya Wilaya ya Tandahimba  wamefanya Uchaguzi wa Viongozi na Wajumbe wa ngazi zote wanaounda baraza hilo

Uchaguzi huo umefanyika leo Januari 13,2023 katika Ukumbi wa Mikutano wa Halmashauri ,Wajumbe wawakilishi walichaguliwa na kisha wajumbe hao walichagua  Katibu na Katibu Msaidizi

Afisa Kazi Mkoa wa Mtwara Ndg.Paskali Kapinga amemtangaza Bi.Judicy Mnzava kuwa Katibu kwa kupata kura 20 na Ndg.Mruta Kamana kuwa Katibu Msaidizi baada ya kupata kura 17 ambapo jumla ya wapiga kura wote ilikuwa 37 hakuna kura iliyoharibika

Naye Kaimu Mkurugenzi Mtendaji  Halmshauri ya Wilaya ya Tandahimba Bi.Jane Mallongo  amewapongeza viongozi na wajumbe waliochaguliwa na kuwataka kufanya kazi kwa weledi sambamba na kutatua changamoto mbalimbali za wafanyakazi

Aidha Viongozi na wajumbe waliochaguliwa wameahidi kuendelea kuwa na nidhamu ya kazi kwa kuzingatia miongozo sheria na kanuni