Baraza la Wafanyakazi Tandahimba lapitisha rasimu ya bajeti ya mwaka wa fedha 2023/2024

Posted on: February 3rd, 2023

Na. Kitengo cha Mawasiliano

Baraza la Wafanyakazi  Halmashauri ya Wilaya ya Tandahimba wameridhia kupitisha mapendekezo ya rasimu ya bajeti kwa mwaka 2023/2024 yenye shilingi Bilioni arobaini na moja ,milioni mia tano themanini na moja na sabini na sita elfu (41,581,076,000)

Akiwasilisha rasimu ya bajeti katika kikao cha baraza la wafanyakazi kilichofanyika ukumbi wa mikutano wa Halmashauri  Februari 3,2023 Mkuu wa Idara ya Mipango na Uratibu Ndg.Charles Mihayo amesema kuwa  fedha hizo zitatoka katika vyanzo mbalimbali ikiwemo vyanzo vya mapato ya ndani ya Halmashauri,ruzuku kutoka Serikali Kuu,Wafadhili na michango ya jamii

Amesema kwa upande wa Halmashauri imejiwekea lengo la kukusanya shilingi 5,558,727,900  kwa mwaka wa fedha  2023/2024 kutoka katika vyanzo vyake vya ndani vya mapato