Baraza la Madiwani waomba Miji Midogo ya Tandahimba na Mahuta kuwa Miji kamili

Posted on: February 1st, 2021

Na Kitengo cha Habari na Mawasiliano

Baraza la madiwani  Halmashauri ya Wilaya ya Tandahimba limemwomba Mkurugenzi Mtendaji kukamilisha  taratibu  ili Miji Midogo ya Tandahimba na Mahuta  kuwa Miji kamili na iweze kujiendesha kiuchumi

Baraza la madiwani Halmashauri ya Wilaya ya Tandahimba wakiwa kwenye kikao cha robo ya pili

Akijibu swali la papo kwa  papo ambalo liliulizwa na  Mheshimiwa Diwani wa Tandahimba Aidan Chipande kuhusu kuchelewa kwa  wa Miji midogo ya Tandahimba na Mahuta kuwa Miji kamili Kaimu Mkurugenzi Mtendaji Ally Machela amesema kuwa ili miji iwe kamili taratibu,sheria  na kanuni lazima zizingatiwe  ambapo  mchakato  unaendelea

Kaimu Mkurugenzi Mtendaji ndg  Ally Machela akijibu swali la papo  kwa papo

“Katika ukamilishaji wa Miji hii kuna taratibu ,sheria,kanuni na miongozo lazima izingatiwe kwaiyo tunaendelea na mchakato wa kuhakikisha zinakuwa Miji kamili ,”amesema  Ndugu Machela

Naye Mkuu wa Wilaya ya Tandahimba Sebastian Waryuba amevitaka vyama vya msingi vinavyoendelea kukata  shilingi elfu moja kwa wakulima wanaojihorodhesha kwa ajili ya  pembejeo kuacha kwakuwa ni kinyume na utaratibu uliowekwa

Dc Waryuba akitoa ufafanuzi kwa Waheshimiwa Madiwani

 Hatua hiyo imekuja baada ya baadhi ya madiwani kutoa taarifa za wananchi katika maeneo yao kuendelea kukatwa fedha ya kujioredhesha katika vyama vyao vya msingi  kwa ajili ya kupewa pembejeo  hivyo wakulima wengine kuacha kujiandikisha kwa kushindwa kulipa fedha hiyo

“Waheshimiwa madiwani kama ambavyo amesema mtaalamu wa Kilimo kuwa kujiandikisha ni bure mkalisimamie hilo ili wakulima wetu wajitokeze kujiandisha   kama kuna chama kinaendelea na utaratibu wa kuwatoza fedha toeni taarifa sheria ichukue mkondo wake,”amesema Waryuba

Kamati ya Ulinzi na Usalama na wataalamu wa Halmashauri wakiwa kwenye Baraza la Madiwani

Katika Baraza hilo la siku mbili  masuala ambayo yaliweza kujadiliwa ni pamoja na barabara,Kilimo,Pembejeo,ushirika,Elimu,Mikopo ya vijana,walemavu na wanawake kuwafikia kwa wakati

Mheshimiwa  Mbunge wa Jimbo la Tandahimba Katani Katani akizungumzia suala la Ushirika