Baraza la madiwani Tandahimba wapitisha Bajeti ya zaidi ya Bil.43.7

Posted on: March 9th, 2021

Na Kitengo cha Habari na Mawasiliano

Baraza la madiwani Halmashauri ya Wilaya ya Tandahimba imepitisha mapendekezo ya rasimu ya bajeti ya mwaka wa fedha 2021/2022 kiasi cha zaidi ya shilingi Bilioni 43.7

Baraza hilo ambalo limefanyia katika ukumbi wa mikutano wa Halmashauri ya Tandahimba limepitisha fedha hizo zilizotokana na mapato ya ruzuku kutoka serikali kuu , mapato ya vyanzo vya ndani vya Halmashauri na wafadhili

Baraza la madiwani Halmashauri ya Tandahimba wamepitisha rasimu ya bajeti

Akizungumza kwenye baraza hilo Mbunge wa Jimbo la Tandahimba Mh.Katani Katani amesema kuwa madiwani  na wakuu wa idara washirikiane  pamoja ili kuijenga Tandahimba na kuwaletea wananchi maendeleo

Mbunge wa Jimbo la Tandahimba Mh.Katani Katani akitoa neno kwenye baraza la madiwani

“Madiwani mshirikiane na wakuu wa Idara ili kuwaletea maendeleo kwa kasi wananchi wa Tandahimba,tumechelewa tunahitaji kukimbia  lakini tunategemeana hivyo msimamie miradi inayokuja katika maeneo yenu kwa uadilifu,”amesema Mh.Katani

Naye Mkuu wa Wilaya ya Tandahimba Sebastian Waryuba amesema kuwa fedha za  miradi ambazo zinakwenda kwenye kata zitumike kwa kutekeleza miradi yenye ubora kwakuwa serikali inatumia fedha nyingi kuwaletea wananchi  maendeleo

Mkuu wa Wilaya ya Tandahimba Mh.Sebastian Waryuba akizungumza kwenye baraza la madiwani

“Simamieni miradi ya maendeleo inayotekelezwa katika maeneo yenu kwa kuzingatia taratibu  na kanuni ili wananchi wanufaike nayo nawapongeza madiwani kwa kuipitisha bajeti ya mwaka 2021/2022 ,”amesema Dc Waryuba

Aidha Mkurugenzi Mtendaji wa Halmashauri ya Wilaya ya Tandahimba ndugu Said Msomoka amesema kuwa miradi inayotekelezwa katika maeneo mbalimbali wataalaum wataendelea kusimamia  ipasavyo ilete tija kwa wananchi wa Tandahimba

Mkurugenzi Mtendaji Halmashauri ya Wilaya ya Tandahimba akitoa pongezi kwa idara ya mipango kwa maandalizi ya bajeti ya mwaka 2021/2022

“Nawapongeza Idara ya Mipango kwa maandalizi ya bajeti hii lakini naamini wataalam wa Halmashauri wana nia ya kuifanya Tandahimba iwe juu kimaendeleo lakini pale kwenye mapungufu ofisi zipo wazi  kupata ufafanuzi au kutoa ushauri kuhusu eneo lako kwakuwa wote tunaijenga Tandahimba moja kimaendeleo ,”amesema ndg Msomoka

Afisa Mipango ndg .Karim Mputa akisoma rasimu ya bajeti ya mwaka 2021/2022 kwenye baraza la madiwani