BARAZA LA MADIWANI TANDAHIMBA WAMPONGEZA RAIS WA AWAMU YA SITA FEDHA ZA MIRADI YA BOOST

Posted on: May 11th, 2023

Na Kitengo cha Mawasiliano

Baraza la Madiwani Halmashauri ya Wilaya ya Tandahimba wamempongeza Mhe. Dkt Samia Suluhu Hassan  Rais wa Jamhuri ya Muungano wa Tanzania kwa  fedha za miradi ya  utekelezaji wa miundombinu ya shule za msingi katika Halmashauri ya Wilaya ya Tandahimba kiasi Tsh.665,100,000 kupitia mradi wa BOOST

Pongezi hizo wamezitoa Mei 11,2023 wakati wakiwasilisha taarifa za miradi ya Maendeleo  ya Kata zao  katika mkutano wa Baraza la madiwani  kwa kipindi cha robo ya tatu 2022/2023  uliofanyika katika ukumbi wa Mikutano wa Halmashauri

Akifafanua zaidi Mwenyekiti wa Halmashauri ya Wilaya ya Tandahimba Mhe.Baisa Baisa amesema fedha hizo tayari zimeanza kufanya kazi katika maeneo husika  ambapo Halmashauri imejipanga kutekeleza miradi hiyo kwa wakati na ubora

" Tunamshukuru sana Mama yetu Rais wa Jamhuri ya Muungano wa Tanzania  Mhe.Dkt Samia Suluhu Hassan  kwa fedha hizi ambazo zitaboresha ujifunzaji na ufundishaji katika shule zetu za msingi ,sisi Halmashauri kwa Ushirikiano tulionao  tutatekeleza miradi hii kwa wakati na ubora ili iweze kutumika ," amesema Mwenyekiti

Mkutano wa Baraza la Madiwani  robo ya tatu 2022/2023  umeanza Mei 11,2023  na utahitimishwa Mei 12,2023 ambapo  agenda tatu  kati ya tisa  zimewasilishwa na kujadiliwa kwa siku ya kwanza