Baraza la madiwani lapitisha rasimu ya mapendekezo ya bajeti zaidi ya shilingi Bil 45

Posted on: February 10th, 2022

Na Kitengo cha Habari na Mawasiliano

Baraza la madiwani Halmashauri ya Wilaya ya Tandahimba wamepitisha rasimu ya mapendekezo ya bajeti kiasi cha shilingi 45,102,660,150 katika bajeti ya mwaka wa fedha 2022/2023

Akiwasilisha bajeti hiyo  leo Februari 10,2022 Mkurugenzi Mtendaji ndugu Mussa Gama katika baraza maalum la Bajeti amesema kuwa fedha hizo zinatokana  na vyanzo vyake vya mapato ya ,Ruzuku  kutoka Serikali kuu,Wahisani pamoja na michango ya jamii

Mkurugenzi amesema kuwa  katika mwaka wa fedha 2022/2023 wanatarajia kukusanya mapato ya ndani zaidi ya shilingi 4,970,502,000 ambazo zinatarajia kukusanywa kutoka kwenye vyanzo mbalimbali vya mapato ya halmashauri

Akiendesha kikao hicho Mwenyekiti wa Halmashauri ya Wilaya ya Tandahimba Mhe.Baisa Baisa  pamoja na madiwani wameipitisha bajeti hiyo 

Mwenyekiti amesema kuwa Jitihada kubwa ifanyike ili bajeti hiyo itekelezeke kwa kuhakikisha suala la ukusanyaji wa mapato katika maeneo yote yanafikiwa ili wananchi waweze kuendelea kupata maendeleo 

“Bajeti hii tumeiridhia na imemgusa mwananchi moja kwa moja,kwasababu inakwenda kugusa afya elimu ,mifugo,kilimo na mengine mengi,ni matumaini yetu kuwa itatekelezeka ili wananchi waweze kuona maendeleo hayo katika maeneo yao,”amesema Mwenyekiti

Aidha madiwani kwa nyakati tofauti wameipongeza bajeti hiyo kuwa imejitahidi kugusa katika maeneo mengi hiyo itawanufaisha wananchi wa Tandahimba