Baraza la Madiwani Halmashauri ya Tandahimba lavunjwa ,Dc Waryuba awatakia maandalizi mema

Posted on: June 10th, 2020

Na Kitengo cha Habari na Mawasiliano

   Baraza la madiwani Halmashauri ya Wilaya ya Tandahimba kwa kipindi cha miaka mitano limefanikiwa kupitisha miradi mbalimbali ya maendeleo  ikiwemo utekelezaji wa  barabara ya lami ya km3 kwa mapato ya ndani na kuridhia kukatwa kwa shilingi 20 kwa kila kilo moja ya korosho kwa wakulima kwa ajili ya maendeleo ya wananchi . 

Baraza la Madiwani Halmashauri ya Tandahimba                                                                                                                                                                                                                                  

Akisoma taarifa ya utekelezaji wa shughuli za maendeleo kwa kipindi cha miaka  mitano 2015/2016 hadi mwaka 2019/2020  ambayo iliwasilishwa na Afisa Mipango Hassan Nzyungu  katika  Baraza la Madiwani ambalo limefanyika  Katika ukumbi wa Halmashauri

 “Kwa kipindi cha miaka mitano shughuli mbalimbali za maendeleo  zimefanyika kwa ushirikiano mkubwa wa madiwani kama ujenzi wa kiwanda cha kubangua korosho,karakana ya ufundi na usimamizi wa miradi mbalimbali ambayo imefanyika katika kata ,”amesema Nzyungu 

 Afisa Mipango Hassan Nzyungu akisoma taarifa ya utekelezaji wa kipindi cha miaka mitano                                           

 Naye Mkuu wa Wilaya ya Tandahimba Sebastian Waryuba amesema kwa kipindi cha miaka mitano Baraza la madiwani limeweza kufanya kazi  kwa ushirikiano  na Halmashauri bila kuweka itikadi za vyama vyao

Dc amesema  Maendeleo hayana Chama hivyo madiwani waliweza kusimamia miradi mbalimbali ambayo imefanyika katika kata zao ili wananchi waweze kupata huduma mbalimbali za kijamii                                                                                                

“Niwapongeze madiwani kwa kipindi chenu cha udiwani  mmeweza kushirikiana vizuri na Halmashauri na wataalamu wetu  ili kuiletea maendeleo Wilaya yetu bila kujali toafuti za itikadi ya vyama  nawapongeza sana,"amesema Waryuba

Wakuu wa Idara na Vitengo waliohudhuria kuvunjwa kwa  baraza hilo

Aidha naye Makamu Mwenyekiti wa Baraza la madiwani Salum Makuyeka wakati akivunja baraza hilo amesema kuwa wanotarajia kugombea tena wafuate utaratibu na ambao hawatafanikiwa kupata wawe mabalozi wema katika maeneo yao