Baada ya Uhakiki TASAF yazifikia kaya 7250 Halmashauri ya Tandahimba

Posted on: December 29th, 2020

Na Kitengo cha Habari na Mawasiliano

Kaya  maskini7250 katika  Halmashauri ya Wilaya ya Tandahimba zitaendelea  kunufaika na mpango wa mfuko wa Maendeleo ya jamii TASAF baada ya kuhakikiwa huku kaya 150 zimeoondolewa kwenye mpango kwa sababu mbalimbali

Akitoa tathimini ya  zoezi la uhakiki  kaya maskini  Mratibu wa TASAF Wilaya ya Tandahimba Ismaely Mbilinyi amesema kuwa idadi hiyo imepatikana baada ya walengwa waliokosa kuhakikiwa katika kipindi cha pili awamu ya tatu kilichofanyika mwezi agosti kurudiwa  mwanzoni mwa mwezi Disemba mwaka huu

Mratibu wa TASAF Halmashauri ya Wilaya ya Tandahimba Ismaely Mbilinyi

“Baada ya zoezi la uhakiki mwezi huu Disemba  kwa kaya ambazo hazikuhakikiwa mwezi Agosti sasa katika Halmashauri yetu wanuifaika  ni kaya 7250 ambao wataendelea na mpango wa malipo ,”amesema Mratibu

Mratibu amesema katika  tathimini hiyo kaya 88 zimeondolewa katika mpango baada ya wakuu wa kaya kufariki dunia na hawana wanufaika,kaya 70 zimebainika kuhama makazi  yao ya awali na kuhamia  maeneo mengine  

Wanufaika wa mpango wa TASAF 

Aidha amesema katika zoezi hilo la uhakiki wa Disemba  kaya 480 kati ya   kaya 755 zimehakikiwa  taarifa zao na matokeo yake ni  kaya 480 zimehakikiwa na zitaendelea na mpango,kaya 2 zimejitoa baada ya kujitosheleza

Wanufaika wakiwa kwenye ofisi ya kijiji cha Chikongola 

“Zoezi limefungwa rasmi,nawasihi walengwa endapo wataona katika taarifa zao  kuna makosa yamejitokeza wasisite kutoa taarifa kwa watendaji wa vijiji na ambao watakuwa na malalamiko fomu zipo  maalum kwa ajili ya kujaza,”amesema Mratibu