ATAKAYEUZA PEMBEJEO KIHOLELA MITAANI KUKIONA CHA MOTO

Posted on: August 19th, 2021

Na Kitengo cha Habari na Mawasiliano

Mkuu wa Wilaya ya Tandahimba Mhe Kanali Patrick Sawala amewataka wakulima kununua pembejeo katika maduka rasmi ili kuepuka  kupata pembejeo  ambazo zinawea kuleta madhara  kwenye mikorosho

Dc Sawala akiongea na wananchi wa Kata ya Kitama

Ameyasistiza hayo kwa nyakati tofauti akiwa pamoja na Mbunge wa Jimbo la Tandahimba Mhe. Katani Katani na Wakuu wa Idara  kwenye ziara zake za kujitambulisha na kusikiliza kero za wananchi  katika  kata ya Miuta na Kitama ambapo amewatahadhalisha kuwa makini na wauzaji holela wa viuatilifu wanaopita  katika mitaa na vijiji

Wananchi wa kata ya Kitama wakimsikiliza  Mkuu wa Wilaya (Hayupo pichani)

“Kuna uuzaji holela wa viuatilifu katika maeneo mbalimbali unafanywa na watu wasio waaminifu ,wakulima msinunue nendeni mkanunue kwenye maduka rasmi ambayo yanauza pembejeo endapo kuna tatizo ni rahisi kufuatilia kuliko hao wapita njia na tukiwakamata tutawachukulia hatua kali,”amesema Dc Sawala

Dc Sawala akiongea na wananchi wa kata ya Miuta

Aidha amesema pembejeo ambazo zimetolewa na  serikali kwa wakulima zinaendelea kusambazwa katika vyama vya msingi (amcos) kwa usimamizi maalumu ili  wakulima waweze kunufaika na pembejeo hizo

Dc Sawala (kushoto) akimsikiliza katibu wa Amcos ya Dinyanga iliyopo kata ya  Kitama kuhusu ugawaji wa pembejeo katika amcos hiyo

“Sasa hivi nimeweka utaratibu maalum katika ugawaji wa pembejeo hizi,kwaiyo itagawiwa kwa wakulima kwa kufuata haki na utaratibu ili wakulima wanufaike na pembejeo hizi,na ninapita mwenyewe kwa baadhi ya amcos ili kujiridhisha endapo zoezi hili linafanyika kwa kuzingatia haki,”amesema Dc Sawala

Baadhi ya wakuu wa idara  na vitengo wakifuatilia mkutano huo

Naye Mbunge Wa Jimbo la Tandahimba Mhe.Katani amesema ataendelea kusimamia  ili thamani ya zao la korosho ya Tandahimba iendelee kubaki kuwa juu  kwasababu ndiyo wazalishaji wakubwa wa zao hilo na hawana historia ya kuwa na  korosho mbovu

Mbunge wa Jimbo la Tandahimba Mhe. katani akisema neno kwa wananchi wa kata ya Miuta

Katika ziara  zake Dc Sawala ameendelea kuwasistiza wazazi kuhakikisha watoto wanahudhuria shule kutokomeza vitendo vya utoro na mimba mashuleni,wananchi kuendelea kuzingatia maelekezo yanayotolewa na idara ya afya kuhusu  UVIKO-19,kushiriki katika miradi ya maendeleo,kuendelea kulinda amani na utulivu ndani ya wilaya  sambamba na watendaji kupata taarifa za wageni wanaofika katika maeneo yao kwa kuwaoredhesha kwenye vitabu vyao vya wakazi

Wananchi wa Kata ya Miuta wakimsikiliza Mkuu wa Wilaya Kanali Sawala